سھریں سلام
ملاجان نزاناں من چون ءُ کجا؟ چہ گپ ءَ بندات به کناں ، پرچہ کہ من ھجبر ترا ندیستگ ، ناں کہ گوں تو ھوار بیتگاں ، ناں تئ ھمراھی ءِ یاتے بندوک اِنت۔بلے دلبرّیں زھیر انت کہ تاھیر نہ گر انت۔لھتیں انچیں باکردیں مردم بنت کہ آیانی بیرانی ءَ پد ھم آ زندگ مان انت آیانی کرد ، آیانی جھد ، آیانی لوٹوک ءُ شیدا ، په مدامی ھست بنت۔
ملا جان! تو چه ھما مردمان ئے،کہ تو ھمک اھد ءَ نمیران ئے۔
سرمچاریں ملا !
دژمن ءَ ترا بیست نومبر دوھزار یازده ءَ شھید کت ، اے ھما اھد ات کہ ما وتی لیب ءُ گوازیاں گیش نه اتیں ما نه زانت کہ آشوب ءُ آجوئی چی یے ؟ اگاں مردم ھورت به چار ایت اے اھد ءَ مئے ھند ءُ دمگاں گوں سلاہ بندیں جھد ءَ سک باز کم مردم ھوار ات۔بلے تو ات ئے کہ کدی شش ماه ءُ کدی سال ءَ کوھان ات ئے ، کس سھی ھم نه اَت کہ تو چشیں بلاھیں کارے کنگ ء ات ئے ، ملا جان تئ سوھوئی ءَ سلام اِنت۔
چیر جنگی ءِ رپک ءُ راھاں بلدیں سرمچار!
نہ زاناں که باریں چون تو دژمن ءِ چمّاں کپت ئے۔بلے ملا جان دژمن زانت کہ تئی شھید کنگ ءَ پد ھم تئ توپک زنگاں نه گپت ، تئ ھم سنت ءُ ھمپگریں براتانی دست ءَ انت دژمن ءِ سینگ آس گوارگ ءَ انت۔
سنگریں ملا !
تو سرپدئے یا کہ ناں کہ تئی شھیدی ءَ پد تئ ھند ءَ آشوب اتک ، سنگت زمین دوست بوت انت ، بازیں سنگت تئ درچتگیں راہ ءَ سرگپتگ انت ، دژمن ءِ دیم ءَ مک انت سنگر اِش داشتگ اَنت۔
ملا جان !
ترا ھال دیگ لوٹاں کہ ھمے سال ءَ تئ ھند ءِ سنگتے ھمل مومن پنام ءِ کلمیر ، مجید برگیڈ ءِ سنگتاں ھوار بیتگ ءُ په زمین وت ء ندرے کتگ ، امیت اِنت کہ ھمل تئ سلام ءَ اتکگ ، ترا ڈیھ ءِ ھالے داتگ انت۔
ھالک پل! منی اے نمدی یے ءِ نبشتہ کنگ ءِ مول مراد وتی دل ءِ گُکّانی سُبک تر کنگ ات ،
وشیں ملا جان ھاوند ءِ میار ئے
تئ لوٹوک ، درّین بلوچ
رمس: 15 جون 2024
نومبر 2011
