رکست اپ ھواراں سنگت (شیھد پدائی سوالی پنام ء میران)

اولی بھر:

نبشتہ کار: سنگت بلوچ ھان

زندمان ءِ توکا انسان وڑ وڑیں مردم گند اِیت ، بلے لھتیں مردم انچیں بہ اَنت کہ آ تئی دل ءِ توکا انچو جاگاہ کنت ءُ پیوست بیت کہ تو ھیران بہ ئے۔ من اے راہ ءِ توکا باز سنگت دیستگ ، بلے لھتیں گوں وتی مھر ءُ مھروانی ءَ ھچ داب ءَ بے ھیال کنگ نہ بہ اَنت۔ پہ درور نمیرانیں میجر پیرک جان ، میجر ملا بھرام جان ، کماش رھمت جان ، ملنگیں رامین جان ، دگہ سک
سک باز بے ملیں سنگت کہ آ پہ وتن نمیران بوتگ اَنت آیانی مھر ماتی مھر بوتگ اَنت۔ ءُ ھرکس ھمے مھر ءُ مھروانی ءِ سبب ءَ اے کوہ بالادیں سنگتانی گندگ ءَ مردایگ بوتگ۔

چر اے سنگتاں یک سنگتے پِدائی سوالی جان پنام ء میران اَت۔ منی گوں میران جان ءَ اولی گندگ 2023 بوت۔ جنوری ءِ ماہ اَت ، سک سرد ءُ من گوں یک سنگتے ءَ کاردامگ ءَ ساڑی اِت آں۔ سنگت ءَ من ءَ توار کت کہ مردمے گندگ بوگ ءَ اِنت چو سنگتانی دُروشم اَنت ، گڑا من ءَ گوشت دورگند بہ کن  بہ چار اَش بلکیں سنگت بہ اَنت۔ سنگت ءَ درائینت کہ من پجا اِش آرگ نہ آں ، گو ں ھمے گپاں من چار اِت اَنت تہ گنداں یک دو ھر زاھر بوت کہ مڈی ءَ بار اِت انت۔ پد ءَ دو سے سنگت سھرا بوت گڑا من سنگت پجا آؤرت اَنت کہ اے ھکّل ءِ سنگت اَنت۔

اے سنگتاں کہ مارا دیست اوشتات اَنت ، ما جھل ءَ ایر کپت اِیں دیم پہ سنگتاں شت اِیں۔ سنگتاں گوں دست دْورت بوت اِیں ، آپ دات اَنت۔ نزیک ءَ کنرے ھست اَت ھمیشی ءِ چیر ءَ شت ءُ ساھتے ءَ نشت اِیں۔ من آ دگہ کلیں سنگت پجا آؤرت اَنت ، میران ءُ کمال من نہ دیستگ اِت اَنت۔ بلے میران گوں من ءَ انچو گپ ءُ تران ءَ بندات بوت ، گْوش ئے ما دہ سالی سنگت اِیں۔
لاگریں کماش رنگیں وش گپ ءُ  دپ چہ بچکندگاں سریچ اَت۔ گڑا من گوشت بہ رویں جھل ءَ مئے اوتاک نزیک اِنت ، مرچی مئے گْور ءَ بہ جل اِت ما شما دیر اِنت کہ دچار نہ کپتگ اِیں۔ ھال اھوالے کنیں ،
گڑا میران ءَ گوشت ما انوں چو اشتاپی ، بلے یک ءُ دو روچ ءَ پد کا اِیں شمئے گندگ ءَ۔ من باز گْوشت ، بلے سنگت اشتاپی ءُ جز اِت اَنت دیم پہ وتی سپر ءَ۔

روان اِنت۔۔۔