نشہ جھان ءِ تہ ءَ بلائیں سلیں چیزے۔ پاکستان ءِ تہ ءَ سک باز تالان اِنت۔ باز نازانت ءُ نا وانندگ نشہ ءَ شریں چیزے پھم اَنت۔ بلوچستان ءِ تہ ءَ روچے شانزدہ مردم نوک ھیروئن ءُ تریاک ءَ دپ جنت ءُ نشہ ءِ دام ءَ کپ ایت۔ نشہ ءِ پد ءَ بازیں چک چورہ ءُ جن جنوزام اَنت۔ھلک ءُ میتگ ویران ءُ کبرستان اَنت۔ بلوچستان ءِ بازیں دمگ کیچ ، ھزدار ، شال ءُ دگہ بازیں جاھاں نشہ سر بوتگ۔ بلوچستان ءِ تہ ءَ چوشیں شریں درمان جاہ نیست کہ نشھیانی درمان بہ بیت۔
چوش ھم بہ جیڑ اِت نشہ وت نے اتکگ، گوں شپکی ءَ چہ ڈن ءَ آرگ بوگ ءَ اِنت۔سرکار ھم گوں شپکاں ھوار اِنت ءُ نشہ ءَ آرگ ءُ بلوچستان ءَ سر کنگ ءَ اِنت۔سرکار پہ نشہ ءِ گر ءُ دار ءَ ھچ جھد نہ کنت۔ آئی ءِ جیڑہ ءُ واھشت ھمیش اِنت کہ بلوچ ھچ مہ وان اِیت ءُ آ وتی زند ءَ گوں زیردستی ءَ بہ گْوازین اِیت۔
نشہ مئے براتاں تباہ ءُ برباد کنت۔نشہ انچیں سلیں چیزے کہ مئے بلوچ راج ئِے پیڑاتگ۔ ھمے مردم کہ نشہ کن اَنت ۔آھاں وتی مات ءُ پت ءِ ھبر نیست پرچا کہ درائیں روچ ءَ بہ چار اش کاگد چنگ ءَ اَنت۔ ما بہ چار ایں نشہ مئے بلوچ راج ءَ را برباد کنت ۔ پہ نوکیں پدریچ ءَ بربادی ءِ راہ تچک کنگ بوگ ءَ اِنت۔نشہ مردم ءَ بے آبرو کنت ءُ کش اِیت۔نشہ سکیں ھرابیں کارے ، بلوچ راج وت ءَ را چر اے بے ھیریں چیز ءَ انگت شر تر دور بہ دار اِیت۔چرس ، تریاک ، شراب ءُ اے دگہ نشہ پہ بلوچ ءِ تباہ ءُبرباد کنگ ءَ بھا کنگ بوگ ءَ اَنت۔ نشہ ءِ پد ءَ بلوچ وتی گلزمین ءَ درامد بوگ ءَ اِنت۔
پیش ءَ ماں بلوچستان ءِ نشہ نہ بوتگ بلے انیگیں دور ءَ کسان کسانیں چک نشہ کنگ ءَ اَنت۔ پاکستان نشہ ءِ بند کنگ ءِ ھچ کوشست کنگ ءَ نہ اِنت پرچا کہ آ نہ لوٹ ایت۔
من گوں وتی راج ءِ ورنایاں دزبندی کن آں کہ وت ءُ وتی دوست ءُ ھمبلاں چہ نشہ کنگ ءَ بہ پھریز اَنت۔نشہ مئے بلوچ راج ءَ تباہ کنت ءُ مارا مئے جند ءِ سر ڈگار ءِ تہ ءَ درامد کنت۔
