نمدی یے پہ شیرزالیں سمو ءَ | گواڑگ

تو پہ گلزمین وت ءَ چو پل ءَ سمبھینت ءُ بانور بوت ءُ شت ئے۔

دْروتے پہ تو بانڑی۔۔۔۔!!!
امیت اِنت تو وش ءُ جوڑ ئے ءُ گوں ریھان جان ءَ ھوار باگیں بھشت ءِ پل ءُ گواڑگانی تہ ءَ بچکندگ ءَ ئے، شالا مدام بچکندات ئے۔

جنگانی اھد ءِ بانڑی !
مروچی تئی نابودیں برات ءَ ند دست ءَ کرتگ ءُ لوٹ ایت کہ پہ تو دو دانک کاگدے ءَ نبشتہ بہ کنت بلے لبز ھمراہ داری کنگ ءَ نہ اَنت،دست لرزگ ءَ انت۔

شیرزالیں سمو کسے اگاں بہ لوٹ ایت کہ پہ تو تاکدیمے سیاہ بہ کنت،تئی ٹوھیں کرد ءِ سر ءَ، تئی داتگیں دیمونی ءِ بارہ ءَ چارگالرد تاکے ءِ میار بہ کنت گڑا آ تاک ءِ سر ءَ، آ گالردانی تہ ءَ چی نبشتہ بہ کنت؟

ھچ ۔۔۔
شیر زال تو راج ءِ درتہ پچی، بزگی ، بے وسی، دگانی سر ءَ نشتگیں گْوھار ءُ ماتانی پریات، بچانی بیگواھی ءُ ماں تھاریں کوٹیانی تہ ءَ ٹارچر کنگ، ءُ پہ آیاں مات ءُ پت ءِ کرنانی ودار درست پھم اتگ اَنت ءُ پمیشکا اے پیسلہ پہ وت زرتگ اَت۔تو پہ گلزمین وت ءَ چو پل ءَ سمبھینت ءُ بانور بوت ءُ شت ئے، تئی بچکند پہ بندیگاں اوپار ءِ ھاٹیگ اِنت۔تئی گام پہ کوہ زادگاں توکل ءُ ھمت اِنت ، تئی اے پیسلہ پہ بلوچ راج ءِ آؤکیں باندات ءَ درپشوکیں بامے ، من جزم آن ءُ پہ پھر گْوش آں کہ چد ءُ گیش ما کسی دست بستگیں گلام نہ بہ ایں، من ءَ باور اِنت کہ رسترانی زوراکی داں دیراں نہ مان ایت، ءُ آ روچ دور نہ اِنت کہ ما وتی زمین ءِ وتواجہ بہ ایں ۔

درپشوکیں بام

نو چہ تو موکل لوٹ آں ، اللہ ءِ باھوٹ ئے

تئی وتی کستریں لالا گواڑگ