من ءَ یاد اِنت۔

نبشتہ کار: اکرم شوھاز

من ءَ یات بیت، آ وھد ءَ من سک کسان اِت آں، منی ھیال ءَ سال 2014 اَت ءُ ما لیب کنگ ءَ اِت ایں۔ من ءَ گوں وانگ ءَ سک مھر اَت۔ منی ھیال دائم گوں وانگ ءَ اَت۔ من وتی  ھمراہ زُرت ءُ دیم پہ لیب ءَ رھادگ بوت ایں۔ ما لیب کنگ ءَ اِت ایں کہ گُڑا یک زانتکار ءُ جوانیں مردمے مئے کر ءَ اَتک ءُ اوشتات۔ من ءَ توار  ئِے جت کہ او گونڈ اد ءَ بیا۔

من چک ترینت چار اِت کہ دو مردماں اوشتاتگ اَنت۔ من رھادگ بوت آں دیم پہ ھمایانی نیمگ ءَ من وھدے کہ سر بوت آں، من ءَ جُست کُت اش کہ تو وانگ ءَ نہ ئے؟ من پسہ دات کہ منی کر ءَ وانگجاہ نیست۔

 گُشت ئِے کہ اگاں  وانگجاہ بہ بیت تو وان ئے؟ من گُشت ھو من چتور نہ وان آں۔ من ءَ گوں وانگ ءَ سک مھر اِنت، اگاں چوشیں جاھے بہ بیت من چتور نہ آں۔ گُشت ئِے اگاں من ترا وانگجاہ ءَ بہ بر آں تو وان ئے؟ من گُشت بلے من سک وان آں۔ اے دوئیں رھادگ بوت اَنت ءُ من سک گل بوت آں۔ من ءَ وانگجاہ ءَ بر اَنت۔ من وتی لیب یلو کُت ءُ دیم پہ میتگ ءَ شُت آں۔ من بے کساس گل اِت آں۔ من ءَ ھرچ کسے ءَ جُست کُت تو چے ءَ گل ئے؟ بس من ھمے گُشت کہ من گل نہ آں۔

گُڑا وھد روان بوت۔ سال 2016 اَت،  منی ھیال دائم گوں وانگ اَت۔ من ھمے جیڑ اِت، کہ آ کجام روچ بیت من پہ وانگجاہ ءَ بہ رو آن ءُ بہ وان آں۔ منی سنگتے منی گور ءَ نشتگ اَت من ءَ جُست ئِے کُت کہ شوھاز تو کدیں پہ وانگ ءَ رو ئے؟ من وتی دیم چرینت ءُ کمو ھبکہ بوت آں۔

رند ءَ پسہ دات دریگتیں کہ انچوش بوتیں۔ گُشت ئِے اے سکیں بلاھیں کارے نہ اِنت۔ تو بہ رو وان تو چے ءَ وت ءَ پریشان کُتگ۔ من دوبر پسہ دات ءُ گُشت دریگتیں تو بزانیں منی لاچاری، آ سنگت یکبرے بھمانگ بوت ءُ جیڑ اِت ئِے رند ءَ من ءَ پسہ ئِے دات کہ زاناں تئی مشکل چے اِنت؟ من گُشت تو منی مشکل ءَ چوش زیت نہ پھم ئے۔ یلو ئِے کن ما چہ اد ءَ رھادگ بوت این ءُ دیم پہ وتی میتگ ءَ ما سر بوت ایں۔ نی من ءَ سک لاچار ئِے کُت کہ شوھاز بہ گُش وتی مشکل ءَ من گُشت یلو ئِے کن۔ وھد روان بوت پد ءَ 2019 اَت منی ھیال گوں وانگ ءَ اَت۔ ھمے وھد ءَ من ءُ سنگتے اَتک ایں مئے سر دگہ

 جاھے ءَ کپت۔ اد ءَ ھم منی ھیال گوں وانگ ءَ اَت۔ اے سنگت ءَ من ءَ یلو کُت ءُ شُت، من تھنا بوت آں۔ بس ھمد ءَ جیڑ اِت وھد روان بوت۔ گُڑا ھمے وڑ ءَ 2024 اَت من ءُ سنگتے جاھے ءَ نشتگ اَت ایں۔ من دیست کہ سنگت کلوہ کنگ ءَ اِنت ءُ کندگ ءَ اِنت۔ دو سے رند ءَ من چار اِت، اے کلو کنت ءُ کند اِیت۔ من سنگت جُست کُت کہ تو چے ءَ کندگ ءَ ئے؟ من ءَ گُشت ئِے اد ءَ لبزانکی دیوان ھست، من گوں ھمبلاں مسکرائی کنان ءُ کند آں۔ من گُشت لبزانکی دیوان چے یے؟ گُشت ئِے اے دیوانے اے پہ بلوچی راست نبیسگ ءَ اڈ کُت۔ من گُشت چتور؟ گُشت ئِے انچُش سید ءِ راھبنداں روگ لوٹ اِیت۔ بلوچی راست نبیسگ۔ من

 انگت نہ پھم اِت ءُ رھادگ بوت آں۔ یک ءُ دو روچ گوست من سنگت ءَ جُست کُت کہ اود ءَ ھوار بیگ ءَ موکل ھست؟ سنگت ءَ گُشت ھو اے دیوان پہ ھمے واست ءَ اڈ کُتگ ءُ پہ بلوچ راج ءِ واست ءَ اڈ اِنت،۔ بیا ترا ھوار کنائین آں۔

من گُشت جوان ھوار بہ کن۔ سنگت ءَ منی لمبر ھوار کُت ءُ دمانے گوست سنگتاں من ءَ وش اَتک کُت۔ بلے منی پھم ءَ آیگ ءَ اَت۔ من نزانت کہ چے نبشتہ بہ کن آں کہ منی سیاھگ ھچ شر نہ اَت۔ گُڑا ھمے دیوان ءِ توک ءَ من ھوار اِت آں، دانکہ لھتیں روچ گوست ءُ  منی سیاھگ کم کم ءَ جْوان بیگ ءَ اَت۔ من گُڑا وتی جُھد برجاہ داشت۔

من جُھد ءُ جُست ءُ پرس کُت۔ وھدے کہ یک لبزے منی پھم ءَ نیتک۔ من جُست کُت، درونت ونت۔ مرچی بہ گند ئے، اے دیوان پہ بلوچ راج ءِ واستا اڈ اَنت۔ اے دیواناں وت ءَ پشت مہ گیج اِت۔ بیا اِت وان اِت۔ دانکہ شمئے سیاھگ دیمروی بہ کنت ءُ جوانیں انسان جوڑ بہ اِت۔ وتی زبان ءَ دوست بہ دار اِت۔ وتسریں ھبر مہ کن اِت۔ وتی زبان  ءَ روگ ءَ نیل اِت۔ مرچی دژمن مئے زبان ءِ گار کنگ ءِ جُھد ءَ اِنت۔ پاکستان بہ بیت، یا ایران بہ بیت۔ پاکستان ءِ مول ءُ

 مراد ھمیش اِنت کہ بلوچی زبان گار بہ بیت ءُ اردو بئیت ایران ءِ مول ءُ مراد ھمیش اِنت کہ بلوچی زبان گار بہ بیت ءُ پارسی بئیت ھمے بلوچ ورنا دگہ زباناں وان اَنت۔ بلے وتی زبان ءَ نہ وان اَنت۔ وتی زبان اِش پشت ءَ داشتگ۔ ما کہ وتی زبان ءِ سر ءَ جُھد مہ کن ایں۔ گُڑا

 کے پہ ما کیت ءُ مئے زبان ءَ دیم ءَ بارت۔

مرچی بہ گند ئے، ما وتی زبان ءَ جُھد مہ کن این ءُ وتی زبان ءِ چیر داتگیں ھبراں مہ کش ایں۔ گُڑا باندا روچ گو ں ما ھچ بوت کُت نہ کنت۔ گنتر مئے زبان چیرتر ایت ءُ گار ءُ گمسار بیت۔ ما کہ مرچی وتی زبان ءِ زگریں گالاں کار این ءُ پدر کن ایں۔ گُڑا مئے زبان دیم ءَ کیت ءُ دیمروی کنت۔ جُھد کن اِت۔ وتی گران نھادیں وھد ءَ زوال مہ کن اِت۔ وھد پہ بھا زیرگ نہ بیت۔ جُنزان کن اِت۔