نبشتہ کار : آزار بلوچ
زر ئے زیبائی ءُ تیاب ئے نشتگیں مُرگ ءُ رنگ رنگیں سنگ دیگر ئے وھدا آئیانی وتئ زیبائی ءَ گُوں مُردماں وتی نیمگ ءَ بر انت ،،، تیاب دپ ئے کُوکلی وتی ریکی کلات آں جُوڈ کن انت ءُ کدی کدی زر ئے مستیں چُول آئیانی ریکی کلاتاں ولگوج کنت پدا گُوں ریکاں ھوار کنت ءُ بلے آ پدا وتی ریکی کلات ءَ جُوڈ کن انت آ سر پد انت کہ اے زر آئی انت ءُ ھمے وڈ ءَ آ مُکھم انت وتی سرا ۔۔۔۔۔
مرچی بلوچ ئے چُک سر پد انت کہ اے زر ءُ سر زمین اولی ما انت ءُ اے سر زمین مئے بلوچانی انت پہ اے زر ئے ءُ سرزمین پھازگ ءَ مہ ھر وھدا مُھکم انت ءُ دری مُردمانی ادا نندگ ءَ بلوچ ئے چُک چُک وش نہ بئیت کہ درامد مئے ماتیں گُلزمین ءَ گُوں وتی ناپاکیں کدم ءَ لگت بہ کن ءَ ،،، ھمے واستہ بلوچ ئے اولی جُھد ھمش انت کہ آ دری مُردمانی آھگ ءَ وش نہ بئیت ءُ مُدام گُشیت اے دشمن تو منی سرڈگارے سرا چمان ءَ شانک مہ دے انچو کہ اے زرپھازیں سرمچاراں وتی زندئے وشی ءُ لوگ ئے مُردم یل کُتگ انت پہ مئے آؤکیں باندات ئے واستہ اے زرپھازگ ءَ وتی بھر ئے مان اِش کُتگ ءُ تہ گُڈی تیرا ابدمان بُوتگاں گُوں دشمن ءَ جنگ ئے داشتگ ئے ءُ کُربان بُوتگاں ،،،، مرچی کہ اے ھون واریں جناور کہ گُوں دری مُردمانی کُمک ءَ مئے زر ئے تھا انت ءُ مئے زر ئے سُود کنگ ئے جُھد ءَ انت ،، گُڈان بائید ھمیش انت کہ ھر بلوچ مُھکم بہ بیت ءُ لگوریں دشمن ئے ھر چالاکیانی سرا کدم چست بہ کنت ،،، انچوش کہ مئے گُلزمین ئے پرزندان کہ وتی جان نُدر کُتگ گُڈان مئے سرا ھم اے پرز بیت کہ مہ ھم پہ زر ئے پھازگ ئے ھاترا ترمپے ھون بہ ریچ آں ،،، کہ آؤکیں پدریچ ئے دیم ءَ مئے سر جل مہ بیت ءُ مہ شرمندگ مہ بئیں ءُ ،،،
بیا اِت ورناہ آں وتی زر ءَ وت پھاز ایت ءُ چُوش مہ بیت کہ باندا لگوریں دشمن مئے بلوچ زر ءَ وتی بہ کنت ءُ ادا گُون دری مُردمان کار بہ کنت ،،،،
شھیدی پہ بلوچان نوکیں لبز ئے نہ انت بلوچ ءَ ھر جناور ئے گُوم ءَ دیم پہ دیمی جُنگ کُتگ انگت جنگ کنگ ءَ انت گُڈان کُل بلوچان ءَ لُوٹیت کہ اے جنگ ءَ وتی بہ کن ئے زر ءَ وتی بہ کن ءُ زر ءَ پھاز ئے ایت کہ اے زر شمئے مستریں مڈی انت ۔۔۔۔۔۔۔۔
