بانُک کریمہ ءِ کرد ءِ سر ءَ کسانیں چمشانک ئے

نبشتہ کار: ڈاکٹر اے ایم بلوچ

بانک کریمہ یک انچیں نام ءُ توارے کہ بلوچ ءِ چُک آئی ءَ زانت ءُ سرپد انت۔ ما بہ چاریں لمہ یک انچیں لبزے کہ ھر کس اے لبز کارمرز نہ کُتگ، نہ ھمک زالبول ءِ واست ءَ ابید چہ مات ءَ بلے اے بانُک ئے وش بھتی انت کہ ھمک بلوچ آئی ءَ لمہ گوش ایت۔وتی انکلابی مات سرپد بیت- بانوک ھمک بلوچ ءِ چک انت، ھمک بلوچ ءِ گھار انت، ھمک بلوچ ءِ مات انت۔ اگاں ما بہ چاریاں، بیست سال ءَ پیش بلوچ زالبولءَ ھچ چیز ءِ ھک دیگ نہ بیتگ، نہ الم ءُ زانت ءِ نہ کہ راھشونی ءِ، نہ ڈن ءَ دراھگ ءِ، نہ پیسلہ کنگ ئے۔ ھرچ پیڑ ءَ مئے مردماں زالبول کمتر لیک اِتگ۔ باز مردم ھمے گپ ءَ کنت کہ زالبول ءَ ھچ اَکل مانیست، باز مردم ھمے سرپد بیت کہ زالبول چی کُت کنت، زالبول ءَ ھچ کابلیت نیست بلے بانک اے جہد ءِ تہ ءَ اتک، آئی اے گپ ثابت کت ءُ دات کہ زالبول چہ مردین ءَ ھچ کمتر نہ اِنت۔نہ راھشونی ءِ بابت ءَ نہ الم ءُ زانت ءِ ،نہ پیسلہ زورگ ءِ،نہ لبزانک ءِ۔

 بانک ءَ اے دراھیں کار وت کت انت ءُ سابت کت ءُ دات کہ ما زالبول چہ کس ءَ کم نہ ایں، ھرکس گوش ایت کہ زالبول ھچ کت نہ کنت آ یکبرے کریمہ ءِ زند ءَ بہ چار ایت ءُ رند ءَ بہ گوش ایت کہ بانُک ءِ زندگی پہ مارا یک بلاھیں آشوب ءُ یک بلاھیں کتابے ات۔ ھما کتاب کہ آئی ءَ مارا روژنائیں کشکے پیشداشت، ھما کتاب کہ آئی مئے جھد ءِ رنگ آورت، ھما کتاب کہ آئی یک راجے ءِ راھشونی کت، ھما کتاب کہ آئی ءَ یک راجے ءِ چم پچ کت انت۔

 ھرچ کس باید آئی ءَ بہ وان ایت ءُ بزانت، آئی پگر ءَ دیم ءَ بہ بارت، آئی راہ ءَ گچین بکن، من گوش آں ھر کس ءَ کریمہ زانگ لوٹ ایت، کریمہ ءِ راہ بہ روت ءُ بہ چار ایت کہ کجام زمہ واری کریمہ زُرتگ انت۔ کہ من ءَ زیرگ لوٹ انت۔

ما بہ چاریں بانک یک مردینے ءِ برابر ءَ جُھد کنگ ءَ ات، ھما کار مردین ءَ نہ کتگ انت، ھما بانک ءَ کتگ ھما وھد ءَ بانک زندگ ات، بانک ءِ یک لائب انٹرویے من دیست چہ چاگردی رسانکدر ءَ بانک ءَ گوشت کہ بی ایس او ءِ تہ ءَ من ءَ مھسوس نہ بیت کہ من یک زالبولی آں، مروچی بلوچ راج انگت آئی ءَ وتی مات ءِ رنگ ءَ ازت دنت-

اگاں ما دنیا ءِ راجدپتر ءَ بہ چاریں مارا بازیں زالبول دست کپ ایت کہ آ وتی مردینانی ھمراھی ءَ راجی جنز ءَ ھوار بیتگ انت۔ ھما راجی جنزاں زالبول ھوار مہ بنت گڑا راجی جنز نا سرجم بنت۔ بانک ناکہ راجی جنز ءَ وتی کرد پیلو کتگ بلکیں آئی ءِ لبزانک، شئر ءُ شائری ھم بے درور انت-بانک کریمہ ءِ اے شیئر من ءَ سک دوست بیتگ کہ تو نیتکگ ئے تی نیاھگ ءَ موسمے بدل کُتیں۔ دومی بانک ءِ آزمانکاری ھم بے دروار بیتگ۔

 آزمانک”رژن ءِکلوہ،کندیل،بے گویاکیں بنی آدم،باز بے درواریں آزمانک بیتگ انت۔ بانکءِ کرد ءِ سرا ھمینچو نبشتہ بہ کن ئے کم  اِنت۔