نبشتہ کار: بْرمش بلوچ
شُما زان اِت کہ مئے بلوچ راج چون اِنت ؟
مئے بلوچ راج ءِ سر ءَ چے بیگ ءَ اِنت چونیں چونیں ھال سر ءَ آرگ بیگ ءَ اِنت ءُ کُجام وڑ ءَ اِنت ؟
مئے وانگجاہ چون اَنت مئے نودربر چون اَنت مئے پدریچ چون اِنت مئے سر ءَ چے بیگ ءَ اِنت ؟
بلوچ ءِ سر ءَ چکچینی(نسل کُشی ) بیگ ءَ اِنت مئے مات ءُ پِت دگانی سر ءَ کپتگ اَنت ءُ کے ھال ءَ اش سھیگ اِنت،
مئے ھما ورنا وت جُھد کنگ ءَ اَنت آ گار بنت بیگواہ بنت لاش مئے دیم ءَ ایر بنت، انّوں کہ یک بالاچے شھید بیت گُڑا بالاچ کے انت ؟ بازیں سنگتے برگ بیتگ ءُ بیگواہ کَنگ بیت کہ آیانی ھال ءَ شما سھیگ اِت، شُما زان اِت کہ آ کُجام ھال ءَ اَنت ؟
ھمے بابت ءَ شمارا گُشگ بوتگ کہ وتی بلوچ ءَ گوں ھوار بِہ بہ اِت ، وتی بلوچ ءَ شریں رایاں بہ بر اِت، وتی آیوکیں پدریچ ءَ شر بکن ات،شُمئے جِند ءِ برات ءُ گُھار بزان اَنت کہ بلوچ راج چون اِنت چون بیگ ءَ اِنت کُجام وڑ ءَ بیگ ءَ اِنت ءُ مئے برات ءُ گُھار کُجام ھال ءَ اَنت، مئے مات ءُ پِت کُجام ھال ءَ اَنت سرپد بہ بِہ اِت، وتی ڈیھ ءِ ھال ءَ سرپد بہ بِہ اِت وتی نوکیں باندات ءِ واستا بہ جیڑ اِت کمو ھیال ءَ بِہ بیت وتی ھمے پدریچ کہ پیداک اِنت اِے شر بِہ بیت،مئے ڈیھ شر بہ بیت ءُ ڈیھ ءِ ھال شر بِہ بیت، انچش کہ بشیر زیب گُش اِیت کہ جُھد بکن اِت کہ مئے ھما پدریچ پیداک اَنت آ شر ءُ شریں هال ءِ تہ ءَ زندگ بہ بنت، ھرکس ءَ گوں شر بِہ بہ اِت بلوچ ورنا مئے وتی برات اَنت مارا همے ورنایانی گوما هوار جنزگی اِنت پرچا کہ مئے برات مئے لج ءُ ننگ ءِ پاسپان اَنت، وتی دین ءِ سر ءَ جنگ ءُ داوائی مہ کن اِت، بازیں مردُم ھست گُش اِیت کہ آ دین ھراب اِنت مئے دین شر اِنت، دین ءَ بِل وتن ءَ بزور
ھما پدریچ پیداک اِنت آ شر بِہ بیت آ وشیں زندگی یے بہ گوازین اِیت، شُما ھرچی شر بہ بہ اِت گُڑا شُمئے آیوکیں پدریچ باز شر بیت، بلوچ پرچا بزّگ اِنت ؟بلوچ پرچا لاچار اِنت ؟بلوچ پرچا دگانی سر ءَ کپتگ؟ بلوچ ءِ پرچا کس ھیال ءَ نہ دار اِیت ؟ بلے بلوچاں وت ماں وت وتی هیال دارگی اِنت،
بیا اِت گون بلوچ ءَ ھوار بِہ بہ ات ھمکوپگ بِہ بہ اِت وت ماں وت دوست بہ بہ ات وتی آیوکیں پدریچ ءَ ھوار بکن اِت
وتن ءَ پہ جان کُربان بہ کن اِت ساہ کُربان بہ کن اِت
تئی زندگی یک روچے الم هلاس بیت اِے زندمان مدامی نہ اِنت مرچی هست اِنت باندا آسر بیت گڑا همے زندگی ءَ یک نامے بہ دے اِت، آ ھیال ءَ میار کہ من مران تو زندگ بہ ئے من یک وھدے مران من زاناں کہ اِے زندگی گون من ھمراہ نہ بیت ھمکوپگ نہ بیت، اِے زندگی گوں کس ءَ ھمراہ نہ بیت اِے زندگی گون کسّی گونا برات نہ بیت اِے زندگی ھمیش اِنت ما رو اِیں درست اِد ءَ کس پشت نہ کپ اِیت، بلے داں هست اِیں شریں کار بہ کن اِیں پہ راج ءَ داں مئے زندمان شر بیت گُڑا مئے ھمے کہ پدریچ پیداک اِنت اِے شریں زندے تُوک ءَ بہ بیت ، مئے نوکیں پدریچ وشھال بہ بیت وش گُمان بہ بیت
وتی زندگی ءِ تُوک ءَ جُھد کن اِت یک کارے شر بکن اِت وتی نسل ءَ شر بکن اِت وتی پدریچ ءَ شر بکن اِت وتی ڈیھ ءَ شریں نامے بہ دے اِت
اے گپاں وتی دلانی تہ ءَ میار ات کہ وان اِیں ما ڈاکٹر جوڑ بہ بہ اِیں یا دگہ چیزے جوڑ بہ بہ اِیں۔
وتی ھیال ءَ وت بکن اِت شُما گُش ات کہ بس مئے زندمان وش ءُ آسودگ بہ بیت تھنا وتی واستا نا وتی راج ءِ واستا اوں جھد کن اِت وهدے کہ شمئے راج وشھال بیت گڑا ما ءُ شما اوں وشھال بہ اِیں وتی واستا اوں جھد کن ایں وتی آیوکیں پدریچ ءِ واستا اوں یک انچیں کارے بہ کن کہ تئی نام ابدمان بہ بیت، دْراھیں گریب ءُ لاچار شر بِہ بہ بنت دْراھیں مھلوک شر بِہ بیت۔
تھنا وتی ھیال ءَ مہ کن ات وتی ڈیھ ءِ ھیال ءَ بکن اِت مئے وتن چون اِنت کُجام وڑ ءَ اِنت؟
اِے مہ تُرس اِت کہ ما مران اِیں مرگ و بنی آدم ءِ سر ءَ پرز اِنت۔
منی دزبندی اِنت گوں وتی بلوچ راج ءَ کہ گوں ماں ھوار بِہ بہ اِت گوں دْراھیں بلوچستان ءَ ھوار بِہ بہ اِت ۔۔
کُل سلامت بات اِت یکجاه بات اِت۔
بلوچستان زندگ بات۔۔
