نبشتہ، کار میرک بلوچ
بلوچستان چہ زمینی کچ ءُ کساس ءَ پاکستان ءِ درساں مستریں استان اِنت۔ منی ھیال ءَ بلوچستان ءَ چندیں جیڑہ است انت بلے مستریں جیڑہ وانگ ءُ زانگ اِنت، پرچا کہ بے وانگ ءُ زانگ ءَ نہ چاگرد دیمروئی کن اَنت ءُ نہ کہ وشھالی کیت۔ چہ بدبھتی ءِ سوب ءَ بلوچستان روچ پہ روچ وانگ ءُ زانگ ءِ جیڑھانی آماچ اِنت ءُ بلوچستان ءَ وانگ ءُ زانگ سکا کم اِنت شما درست زان اِت کہ بلوچستان ءِ انوگیں وانگ ءُ زانگ ءِ درسد 40 ءُ 44 ءِ میان ءَ اِنت پنجاپ ءَ 64 ‘سندھ ءَ 58’ ماں کے پی کے 55 ءَ بلوچستان ءِ وانگ ءُ زانگ ءِ نزام کم اِنت ءُ بلوچستان ءَ پہ نودربراں یونیورسٹی کالج اسکول ءُ جوانیں کتابجاہ نیست۔ لھتیں وانگی جیڑہ است انت۔
بیانے ءِ رد ءَ بلوچستان ءَ 13000ہزار اسکول است اَنت ایشانی تہ ءَ بازیں اسکول بند اَنت، ءُ 6000 اسکولاں وانیگ بوگ ءَ اِنت، چیاکہ 220 اسکول ءَ ورگی آپ،کتابانی کرسی ءُ آدفہ بنیاتی آسراتی ءِ کمی اِنت۔
کہ بلوچستان ءِ تہ ءَ وانگ ءُ زانگ ءِ نزام سک نزور بوتگ بلوچستان ءِ تہ ءَ 70 ءَ بگر داں 80 درسد زھگ چہ وانگجاہ ءَ در اَنت پرچا گیشتریں زھگ چہ وانگجاہ ءَ در اَنت؟
گیشتریں چُک چہ گریبیں کھولانی زھگ اَنت ءُ آھانی گور ءَ پہ وانگ ءَ زرّ نیست ءُ گیشتریں مردم دگہ جاھاں یا گوں وتی کھولاں کار کنگ ءَ اَنت۔ پمیشکا گیشتریں نودربر بلوچستان ءَ چہ وانگجاہ ءَ دور اَنت۔
بلوچستان ءِ مزنیں سبب استادانی اِنت کہ بازیں استاد وتی زمہ واری ءَ پیلو نہ کن انت ءُ تھنا وتی پگار ءَ گِر انت مئے استاد بے کودکیں زھگانی باندات ءَ گوں گوازی کنگ ءَ اَنت پمیشکا استاد مئے زھگانی باندات ءَ ھلاسی نیمگ ءَ تیلانک دیگ ءَ اَنت۔
منی نزوریں دزبندی یے ایش اِنت کہ چہ بلوچستان سرکار ءَ کہ بلوچستان ءَ وانگ ءُ زانگ ءِ جیڑہ ءِ سر ءَ گامگیج بہ زور ایت۔
