نبشتہ کار: کوامے نکرومہ
اُردو رجانک: مشتاک الی شان
چمشانک: اتیک بلوچ
اے کتاب ءَ کوامے نکرومہ ھما وھد ءَ نبشتہ کنت کہ آ وھد ءَ گانا (اپریکہ ءِ اِستان) برٹش کالونائزر ءِunder control ءَ بیت ، اے کتاب کوامے نکرومہ ءِ سرجمیں سیاسی جھد ءِ چست ءُ ایرانی experience اِنت۔
اے کتاب اول سر ءَ 1968ءَ شنگ کنگ بیت،
اے کتاب یورپین کالونائیزیشن ءِ سر ءَ اِنت کہ ھما وھد ءَ نوزدھمی کرن ءِ گڈسر ءَ کہ برتانیا گانا ءِ سر ءَ زورگپت بیت۔ گانا اپریکا ءِ تہ ءَ یک ملکے کہ 1821 ءَ بہ گر داں 1957 ءَ برٹش کالونی ءِ بستار ءَ زانگ بیت۔
کوامے نکرومہ گْوشی اِیت کہ گانا اپریکا ءِ تہ ءَ ھما ملک اِنت کہ اود ءَ سھر (gold)، الماس ، باکسائٹ ، ناریل ، ربڑ ءُ نِکل ءِ وڑیں دگہ بازیں گْواجناں پُر ءُ سریچ اِنت، آ ھمے پرگنجیں بستار ءَ چے گانا ءَ را برٹش کالونائزر Gold coast colony ءِ نام ءَ بر کنت۔
پرچا کہ گانا یک پرگنجیں اِستانے ، بلے نکرومہ گْوش اِیت اے سرجمیں گْواجن سرپاگ ء برتانیا ءِ دست ءَ بوتگ اَنت۔ اے gold ، diamonds ءُ دگہ مال ءُ مڈی ھما زوراک ءِ شان ءِ برز کنگ ءُ وتی ملکی مالیات ءِ مھکم کنگ ءِ ھاتر ءَ کارمرز بوتگ اَنت ، بلے ھما راج چہ کرناں اے گلزمین ءِ واھند اِنت۔ چہ اے گْواجناں زبھر اِنت ، بہ گندئے گانا ءِ جند ءِ مھلوک ءَ را یک درسد ءِ ھک اے گْواجناں چہ نہ رستگ۔
کوامے نکرومہ دیمتر ءَ نبشتہ کنت کہ اے زوراک ءَ گْواجنانی لٹ ءُ پل ءَ چہ کدی پدکنز نہ بوتگ ، آئی ءَ مدام اے گْواجنانی لٹ ءُ پل ءَ چہ وتی ملکی شان برز کتگ ءُ گْواجنان ءَ دومی ملک ءَ راہ داتگ ءُ پہ وت نپ کشگ بوتگ۔
اے کتاب سلاہ بندیں جھد چہ کوامے نکرومہ ءِ کتاب revolutionary warfare ءَ چہ اُردو ءَ translate کنگ بوتگ ، ایشی ءِ ٹرانسلیشن مشتاک الی شان ءَ کتگ۔ اے کتاب 2023 ءَ شنگ کنگ بوتگ ، اے کتاب دو در ءِ تہ ءَ بھر اِنت۔ اولی در ءِ تہ ءَ زوراک ءِ زورانسری پیش بندی ءُ مچانکی زوراک ، آجوئی، کْواپگیں آزاتی ءُ نوکیں نوآبادکار ءِ سر ءَ اِنت۔
2: دومی در، راجدوستی ، پان اپریکن ازم ، کْواپگیں آزاتی ءُ یک مشتیں جز ءُ دگہ انچیں سرھالانی سر ءَ اِنت۔ کتاب ءِ بیان کنگ ءَ پیسر اگاں ما کسانیں چمشانکے نبشتہ کار ءِ سر ءَ بہ دئے آں کہ کوامے نکرومہ کے بوتگ،
کوامے نکرومہ Ghanian political theorist ءُ revolutionary leader ءِ بوتگ ، آ 1909 ءَ گانا ءَ ودی بوتگ ءُ 1972 ءَ بیران بوتگ کوامے نکرومہ ءِ سرجمیں سیاسی مکسد گانا ءِ مھلوک ءِ آزاتی چہ برٹش کالونائزر ءَ گرگ ءُ وتی مال ءُ مڈیانی وتواجہ بوگ۔ کوامے نکرومہ گانا ءِ اولی وزیر ءُ مستر بوتگ ، آئی ءَ وتی آزاتی برتانیا ءِ وڑیں زوراک ءَ چہ 1957 ءَ سیاسی جھد ءُ کوشست ءِ سبب ءَ گپتگ۔
نوں ما کا اِیں کتاب ءِ سر ءَ گپ کن اِیں ، اے کتاب چوناھیا زوراک ءِ ھما پیش بندی کہ یک راجے ءِ سر ءَ چون کئیت ءُ ایردستیں راج ءِ سر ءَ وتی زوراکی ءَ برجم دار اِیت ءُ پد ءَ ھما ایردستیں راج پہ اے زوراک ءِ نزور کنگ ءُ زوراک ءِ ھما زورانسری شونداتانی کاؤنٹر کنگ ءِ واستا ایردستیں راج ءَ را کجام رنگیں پیش بندی ٹائینگی اَنت۔
چوش کہ نکرومہ ءِ یک داتگیں شونداتے
دژمن ءِ پجار know the enemy:
بزاں زوراک ءَ زانگ ءُ پھمگ ، آ ھمے گْوش اِیت کہ مارا درستاں پیسر اے پھمگ ھژدری اِنت کہ زوراک ءِ ڈنی ءُ توکی شونداتاں چہ شریں وڑے ءَ پوہ بہ بہ اِیں دانکہ مئے ھما سیاسی راہ اِنت یا کہ مئے آزاتی ءِ تچکیں راہ اِنت چہ اے راہ ءَ مارا کاؤنٹر ءُ پروش دات مہ کنت۔
دومی گپ اِیش اِنت کہ زوراک مئے مھلوک ءَ را لٹ ءُ پلی ، بھر ءُ بانگی مشین ءِ تہ ءَ دُرشگ ءَ اِنت ، بلے اے کالونیل بھر ءُ بانگی رپکاں چہ کاؤنٹر کنگ ءِ واستا مئے سیاسی جھدکاران ءَ
anticolonial or anti_imperialشوندات اڈ دیگی انت دانکہ آ نزور ، بے وس بہ بیت ءُ چہ مئے ڈیھ ءَ در بئیت۔
دگہ یک گپے نکرومہ اے کتاب ءِ تہ ءَ نبشتہ کنت کہ
زوراک مدام تئی سرڈگار ءِ مال ءُ مڈیاں وتی دست ءَ کنت ءُ مئے گْواجنانی بھر ءُ بانگ ءَ پدکنز نہ بیت ، بلے اچ گْواجنانی بھر ءُ بانگ ءَ چہ مئے راجی آجوئی ءِ جز ءِ بگیر ءَ وڑ وڑیں رپک ءُ پندل جوڑ کنت۔
چوش کہ نکرومہ گْوش اِیت اپریکہ ءِ تہ ءَ گانا ءِ راجی آجوئی جز ءِ کاؤنٹر کنگ ءُ پروش دیگ ءِ ھاتر ءَ زوراک ءَ بازیں پروپیگنڈہ ساز اِتگ۔ زوراک ءَ مدام مئے جھد ءِ کاؤنٹر کنگ ءِ واستا آشوبی جھدکارانی میان ءَ ناامیتی ءُ دلپروشی شنگینگ ءِ کوشست کتگ۔
دژمن ءَ بازیں باریگ ءَ اے گْوشتگ کہ ” اپریکیانی تہ ءَ آشوبی جنگ ءِ بودشت نیست ، ءُ آئی دائم ءَ سے گپ جتگ۔
1- زات ءُ زریات دوستی (نسل پرستی)
2- مئے گْوستانکی پژدر
3- کیڈرز ءُ لیکھی راھشونی ءِ کمی “
اے گپانی پسواں نکرومہ نبشتہ کنت کہ ما اے نہ گْوش اِیں کہ ما اپریکی گْواچنیں آشوبی جنگول اِیں، بلے ما اے الم گْوش اِیں کہ آشوبی جنگ اولی ءُ گڈی راہ اِنت کہ یک زیردستیں راجے وتی راجی آزاتی ءَ گپت کنت۔
دیمتر ءَ دگہ جاھے ءَ کوامے نکرومہ آزاتی ءَ را شوکیں وڑے ءَ نبشتہ کنت کہ آیاناں دو گالبند ءِ تہ ءَ چو اے وڑ ءَ بیان کنت۔
1- گْواچنیں آجوئی Guniune independence:
آ گْوش اِیت اے آزاتی مردمی سیاسی جھد ءُ چہ سلاہ بندیں جھد ءَ گرگ بیت۔ اے آزاتی ءِ تہ ءَ راج سرجم ءَ آزات بیت ، بزاں مالی آزاتی ، سیاسی آزاتی ، چاگردی آزاتی یا کہ سرجمی ءَ وتی واجھی ءَ وت کنت۔
2- کْواپگیں آجوئی:
اِیشی ءَ کوامے نکرومہ Sham independence ءِ نام ءَ دنت ، آ گْوش اِیت کہ اے پیمیں آزاتی ترا زوراک ھما وھد ءَ دنت کہ تئی مھلوک ءِ سیاسی زانت ءُ سما ءَ یا کہ ھما تئی گْواچنیں مکسد اِنت چریشی ءَ چہ دور کنگ ءُ تئی ریاست ءَ را وتی نپ ءُ پائدگانی واستا کارمرز کنگ اِنت۔ اے کْواپگیں آزاتی ھمے واستا گْوشگ بیت کہ ترا تئی زمین ءَ دنت ءُ تئی زمین ءَ یل کنت ، بلے ترا وتی راجی شونداتانی neocolonial policies بنیات ءَ وتی نوکیں نوآبادی جوڑ کنت ءُ ترا وتی نپانی ھاتر ءَ کارمرز کنت۔
چوش کہ مروچی ما بہ چار اِیں کہ امریکی neocolonizational نوکیں نوآبادیاتی شوندات بازیں ملکانی تہ ءَ گندگ ءَ کا اَنت کہ زوراکیں امریکہ پہ وتی نپانی ھاتر ءَ کارمرز کنگ ءَ اَنت۔
