بلوچ لبریشن آرمی ءِجارکش جیئند ءَ ماں رسانکدر ءَ وتی شنگ کرتگیں درشانے ءَ تمپ ءُ دکی ءَ چار ارش ءِ زمہ واری من اتگءُ گوشتگ کہ بی ایل اے ءِ سرمچاراں تمپ ءُ دکی ءَ چار جتائیں ارشاں زورگریں پاکستانی لشکر ءُ مادن بروکیں گاڑی ءُ رھوتی موبائل ٹاور نشانگ کرتگ، دژمنیں لشکر ءَ جانی ءُ مالی تاوان بیتگ۔
آئی ءَ گوشتگ کہ بی ایل اے ءِ سرمچاراں دوشی تمپ میر آباد ءَ پاکستانی لشکر ءِ یک بنجلے نشانگ کرتگ، سرمچاراں گوں نوکیں سلاھاں دژمنیں لشکر ءِسر ءَ ارش کرتگ ءُ ھمے میان ءَ راکٹ ءُگرنیڈ لانچر ءِباز گولا دژمن ءِ سنگر ءَ آس داتگ۔ ارش ءَ کم چہ کم دو کارمند جاھی مرتگ ءُچار ٹپی بیتگ۔
جارکش ءَ گوشتگ کہ بی ایل اے ءِ سرمچاراں دوشی دکی، ربات ءَ بلوچ مڈیانی لٹ ءُ پل کنوکیں ٹرک نشانگ کرتگ۔ سرمچاراں ٹرک ءِٹائر تیرگواری کرتگ ءُ تباہ کرتگ۔
آئی ءَگوشتگ کہ ھمے وڑ ءَ سرمچاراں دوشی دکی ءِ ھند ربات ءَ یک رھوتی موبائل ٹاور ءِ مشین ءُ سامان مانداشتگ ءُ تباہ کرتگ، 15 دسمبریک شمبے ءَ بی ایل اے ءِ سرمچاراں دکی ءِ ھند پوڑی ءَیک رھوتی ٹاورے نشانگ کرتگ ءُ تباہ کرتگ۔
