پنجاپ ءِ شھر سرگودھا ءَ زورگریں پاکستانی لشکر ءِ دست ءَ زور بیگواہ کنگ بوتگیں نودربر ھدا داد سراج ء سراج اھمد آجو بوتگ۔
اھوالکار ءِ رد ءَ ھدا دادسراج ءَ پاکستانی لشکر ءِ جوڑ کرتگیں چیریں ادارھانی کارمنداں چہ سرگودھا زپر چاراہ ءَ شپ ءِ ھشت ءَ ھما وھد ءَ آوار جتگ کہ آپہ نان ءِ گرگ ءَ شتگ اَنت ءُ واتری آھگءَ بوتگ اَنت۔ ھدا داد بیست ءُ یک روچ ءِ زوریں بیگواھی ءَ پد مرچی آجو بوتگ۔
ھدا داد سراج ءِ اجوئی ءِ گپ بیگواھیں بلوچانی توار ( وی بی ایم پی ) ءَ ھم راست کرتگ ءُ ما ں چاگردی رسانکدر ءِ تندجاہ ایکس ءَ آئی ءِ اکس شنگ کرتگ۔
یات بہ بہ اِت کہ پہ ھدا داد سراج ءِ زوریں بیگواھی ءِ بگیریءَ نودربراں سرگودھا ءَ زھرشانی کرتگءُ آئی کھول ءَ دو رند ءَ تجابان ءَ زھرشانی ءَ سی پیک دگ بند کرتگ۔
