پَنجگُور،شال، ءُ پسنی ءَ پاکستانی پوج ءِ چیریں آزار جاھاں بیگواھیں پنچ مردم آجو بوتگ۔
بلوچ یکجھتی کمیٹی ءِ رد ءَ چہ پَنجگُور ءَ آجو بوتگیں مردمانی نام بکتیار ء مھمد ھسن، ارپان ء مھمد ھسن ءُ بلال ء مھمد ھسن اِنت کہ پنجگور ءِ ھند ھدابادان ءِ جھمنند اَنت۔ 24 پروری ءَ پاکستانی پوج ءَ آوار جتگ ءُ بیگواہ کرتگ اَنت۔ آ زی آجو بوتگ ءُ وتی گس ءَ سر بوتگ اَنت۔
دومی نیمگ ءَ شال ءَ پاکستانی پوج ءِ دست ءَ بیگواہ کرتگیں ورنا سید اھمد شاہ ء سید زاھر شاہ آجو بوتگ۔
آجو بوتگیں سید اھمد شاہ پنجگور ءِ ھند چتکان ءِ جھمنند اِنت ءُ 1 دسمبر 2025 ءَ پاکستانی پوج ءِ زوربیگواہ کرتگ۔ آ بیست مارچ ءَ چہ شال ءَ آجو بوتگ۔
ھمے وڑ ءَ چہ پسنی ءَ بیگواھیں ھسیب بلوچ ء واھد آجو بوتگ۔
آجو بوتگیں ھسیب بلوچ پاکستانی پوج ءَ چار پروری 2026 ءَ آوار جنگ ءَ پد بیگواہ کرتگ اَت۔ آ ھژدہ مارچ 2026 ءَ چہ پسنی ءَ آجو بوتگ ءُ وتی گس ءَ سر بوتگ۔
اے درسیں مردمانی آجوئی ءِ گپ بلوچ یکجھتی کمیٹی ءَ راست کرتگ اَنت۔
بنشون: بی وائی سی اکس: بی وائی سی
