بلوچ آجوئی لوٹوکیں رھشون ءُ بلوچستان لبریشن پرنٹ ( بی ایل ایپ ) ءِ سروک ڈاکٹر اللہ نزر بلوچ ءَ ماں ٹروتھ سوشل ءَ وتی شنگ کرتگیں درشانے ءَ گوشتگ کہ بلوچ وتی پدریچ ءِ جنگ ءَ مڑگ ءَ اِنت، زورگریں توانمند دانشورانی دارگ ءِ کوشست ءَ کنگ ءَ اِنت دانکہ بلوچ راج ءَ لیکھی بنیاد ءَ نزور بہ کنت۔ ھمے میان ءَ اربانی کچ ءَ زر پہ دروگیں گپاں ھرچ کنگ ءَ اِنت دانکہ بلوچ آجوئی زرمبشت ءَ نزور بہ کنت۔
بلوچ رھشون ءَ گوشتگ کہ راستی، راست بیت، من گوں وتی ورنا ءُ دانشوراں لوٹ کن آں کہ آ اے جھد ءَ برجاہ بدار اَنت، بلّے دژمن چہ دولت ءُ زور ءَ چنچو توانمند بہ بیت۔ آئی گپ دروگ اَنت، پمیشکا سوبمندی مئیگ اِنت، آ جنگ ءِ پڑ بیت یا املی دیم پہ دیمی۔
ڈاکٹر اللہ نزر بلوچ ءَ گوشتگ کہ پد ءَ ھم من ھمے گپ ءَ ھیران آں کہ ڈاکٹر مالک جتائیں وھداں راجی ھک ءُ وتواکی ءِ سوگند وارتگ، مرچی آ بس نوکری ءِ گپ ءَ کنگ ءَ اِنت۔ اے پمن ءَ سکا ھیرانی گپے اِنت۔
بنشون: درشان اکس: دامگ
