آواران ءِ ھند مشکے ءَ پاکستانی پوج ءِ دست ءَ آوار جتگیں ورنایے ءِ لاش دزکپتگ۔
زرمبش جھگیر ءِ رد ءَ کشگ بیتگیں ورنا ءِ نام مسئود ء ھدا بکش اِنت کہ مَشکے لاکی ءِ جاہ منند اِنت۔ پوج ءُ کشندہ ٹولی ءِ کارمنداں بیست روچ ءَ گیش اِنت چہ گس ءَ آوار جتگ ءُ بیگواہ کرتگ۔ مرچی آئی لاش دزکپتگ۔
کشگ بیتگیں مسئود ءِ بابت ءَ گوشگ بوگ ءَ اِنت کہ یکبرے سالے ءَ پیش ھم پاکستانی پوج ءَ آوار جتگ ءُ بیگواہ کرتگ، چہ آزار جاھاں بازیں آزار دیگ ءَ پد آجوئی لوٹوکیں سلاہ بندیں گلانی بگیری ءَ پریس کانپرنس ھم پرماتگ۔
چوش کہ چہ ایشی ءَ پیش ھم ھمے سال ءَ چہ مشکے ءَ پاکستانی پوج ءِ دست ءَ بیگواھیں باز مردمانی لاش دزکپتگ اَنت۔
