مستونگ: پاکستانی پوج ءِ دست ءَ بیگواہ کنگ بیتگیں ازیزالرھمان ءِ کھول ءَ آئی زوریں بیگواھی ءِ بگیری ءَ زھرشانی کرتگ ءُ شال کراچی شھدگ بند کرتگ۔
زھرشانی ءَ بی وائی سی ءِ سروک، سیاسی کارکن ءُ ھندی مردماں بازیں کچے ءَ بھر زرتگ ءُ گوں آیاں جنین ءُ زھگ ھم گوں اَنت۔آیاں زوریں بیگواھیانی بگیری ءَ اوگام جتگ ءُ ازیزالرھمان ءِ آجوئی ءِ لوٹ کرتگ۔
زھرشانی کنوکیں مردمانی گوشگ اِنت کہ مستونگ ءِ ھند کونگڑہ ءَ شپ ءِ دو ءُ نیم ءَ ایپ سی ءُ سی ٹی ڈی ءَ گس ءَ بیڑ برتگ ءُ ازیزالرھمان ء ٹکری سپر آوار جتگ ءُ گوں وت برتگ پد ءَھما اِنت کہ بیگواہ اِنت۔
زور بیگواھیں ازیزالرھمان ءِ کھولءِ گوشگ اِنت مئے مردم زوت یل کنگ بہ بیت۔ دانکہ مئے مردم یل کنگ نہ بیتگ اے مئے پر ایمنیں زھرشانی یے ما ایشی ھلاس کرتگ ءُ بے توار بوت نہ کن ایں۔
