برتانیا ءِ رسانکی ادارہ ’بی بی سی‘ ءَ سال 2024 ءَ سرجمیں جھان ءِ نامداریں سد جنینانی نامانی لڑ شنگ کُرتگ۔
اے لڑ ءِ تہ ءَ سنیتا ولیمز، جیسیل پیلی کوٹ، شیرون اسٹون،ریبیکا اینڈریڈ,ایلیسن پیلکس، رے، نادیہ مراد، ٹریسی ایمن، کرسٹا اولیڈو ءُ ڈاکٹر ماہ رنگ ءِ نام ھوار اِنت۔
بی بی سی ءَ ڈاکٹر ماہ رنگ ءِ باروا نبشتگ کہ ماہ رنگ بلوچ یک میڈیکل ڈاکٹر ءُ سیاسی کارکنے۔
“بلوچستان ءَ مردمانی زور بیگواھیانی بگیری ءَ سدانی کچ ءَ زھرشانی کنوکیں جنینانی تہ ءَ ھوار اِنت۔
آئی ءَ نبشتہ کہ مھرنگ بلوچ 2009 ءَ دیم ءَ اتکگ کہ وھدے پاکستانی لشکر ءَ آئی ءِ پِت آوار جتگ ءُ دو سال ءِ بیگواھی ءَ پد آئی ءِ لاش دزکپتگ۔
آئی ءَ نبشتگ کہ 2023 ءِ گُڈی ءَ ڈاکٹر مھرنگ ءَ سدانی کچ ءَ جنینانی سروکی ءَ 1,000 میل (1,600 کلومیٹر) روانکے کش اِتگ ءُ پاکستان ءِ بنجاھی شھر اسلام آباد ءَ شُتگ۔ اے سپر ءِ میان ءَ آ دو رند ءَ دزگیر کنگ بیتگ۔
چہ ایشی ءَ میڈیکل ڈاکٹر بلوچ یکجھتی کمیٹی( BYC) ءِ یک نامداریں کارکنے جوڑ بیتگ۔مردمی ھکانی پَد جنگ ءِ بنیاد ءَ سال 2024 ءَ آئی ءِ نام جھان ءِ سَد نامداریں جنینانی نامانی لڑ ءَ ھوار کنگ بیتگ۔
