بلوچ راجی زرمبشت ( بی این ایم ) ءِ بنجاھی سرکماش ڈاکٹر نسیم ءَ ماں چاگردی رسانکدر ایکس ءَ بی ایس او ءِ پنجاہ ءُ ھپتمی سالروچ ءِ درگت ءَ نبشتگ کہ بی ایس او بلوچورنایاں سنچ دیگ ءَ اِنت۔پمشکا چہ بی ایس او ءَ ھیل کرتگیں ورنا وتی پجار،مول ءُ مراداں شر سرپد اَنت۔ اے سنچ چہ پاکستانی وانگجاھاں نہ رس ایت۔ چہ بی ایس او ءِ راھشونی ءَ رس ایت کہ ورنا گْوستانک، سیاست ءُ زانشتی بنیاد ءَ پوہ بنت۔
آئی ءَ گوشتگ: ھمے سنچ اِنت کہ زورگریں پاکستان بی ایس او ءِ کارکناں ریاستی زوراکی ءِ نشانگ کنگ ءَ اِنت کہ داں بلوچ ورنا چہ بی ایس او ءَ دور بہ بنت ءُ وتی شر ءُ شِر ءَ مہ زان اَنت۔ بی ایس او ءِ جھد ءَ آجوئی جُنز ءِ بنیاد مھکم کرتگ۔ پہ اے جھد ءِ دیم ءَ برگ ءُ گیشتر توانا کنگ ءَ آؤکیں پدریچ ءَ چد ءُ گیشتر زمہ واری زورگی اِنت۔
ڈاکٹر نسیم ءَ گوشتگ کہ بی ایس او راجی جُنز ءَ باسما ءُ سوھویں راھشون دنت ءُ آجوئی ءِ جھد ءَ پہ سوبمندی ءِ نیمگ ءَ برگ ءَ کمک کنت۔
