دکی: پجار نه بوتگیں سلاه بندیں مردماں دکی ءِ شھر ءِ نزیک ءَ اشکرکھنے ءِ سر ءَ اُرش کرتگ ءُ بیست مزدور کشتگ ءُ ھپت ٹپی بوتگ.
پولیس ءِ رد ءَ گوستگیں شپ ءَ سلاه بندیں مردماں بازیں کچے ءَ اشکرکھن ءِ سر ءَ اُرش کرتگ ءُ مزدورانی سر ءَ تیرگواری کرتگ.
پولیس ءَ گوشتگ بیران بوتگیں مزدور پشتون اَنت ءُ چه آیاں چار مردم اوگانستان ءِ جاه منند اِنت ءُ آ دگه بلوچستان ءِ جتائیں ھنداں ژوب ، کله سیپ الله، پشین ، موسی کیل ءُ کچلاک ءِ جاه منند اَنت.
ھندی مردمانی رد ءَ سلاه بندیں مردماں اشکرکھن ءِ سر ءَ اُرش ءِ میان ءَ ڈرون کیمرا ھم گون بوتگ ءُ اُرش ءَ پد اشکرکھن ءِ مشین ءُ سامان تباه کرتگ اَنت.
اشکرکھن ءَ مزدورانی کوش ءِ ھلاپ ءَ مردماں دکی ءِ شھر ءَ تھتگ بند ھڑتال کرتگ ءُ گوشتگ گوں بیران بوتگیں مزدورانی لاشاں باچا ھان چاراه ءَ زھرشانی کن اِیں.
بنشون: دمگی اھوالکار / اکس: رسانکد 
