پنجگور: زورگریں پاکستانی لشکر ءِ دست ءَ زور بیگواہ کنگ بوتگیں دوئیں برات سابر نور ءُ آبد نور ءِ کھول ءِ نیمگ ءَ آیانی زوریں بیگواھی ءِ بگیری ءَ مرچی دو روچ اِنت کہ زھرشانی نندانک برجاہ اِنت۔
اے وھد ءَ زھرشانی نندانک ءَ جنین ءُ زھگانی ھواری ءَ مردم بازیں کچے ءَ ساڑی اَنت۔ چہ دگ ءِ بند بوگ ءِ سوب ءَ دوئیں نیمگاں گاڑیانی مزنیں کتار اوشتوک اَنت ءُ مساپر سکا جنجال اَنت۔
کھول ءِ گوشگ اِنت دانکہ مئے زھگ سابر نور ءُ آبد نور آجو نہ بوتگ اَنت ما وتی زھرشانی نندانک ءَ برجاہ دار ایں۔
یات بہ بہ اِت کہ زی سھب ءِ شش ءَ زورگریں پاکستانی لشکر ءُ چیریں ادارھانی کارمنداں پنجگور ءِ ھند چتکان تار آپس ءَ بیڑ برتگ ءُ دوئیں برات آوار جنگ ءَ پد بیگواہ کرتگ اَنت۔
