بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ گوستگیں سے روچ اِنت کہ بی ایل ایپ ءِ سرمچار ریاستی چیردستی ءَ کارکنوکیں کشندہ ٹولی ءِ بگیری ءَ آپریشن سرجمیں شپ ءَ برجاہ بوتگ۔ چہ ایشی دگہ باز کارمند مرتگ اَنت۔ وھدیکہ دژمن ءِ بگیری ءَ میڑانی درچ گوں ترندی ءَ برجاہ اِنت۔
آئی ءَ گوشتگ کہ اے آپریشن ریاست، ریاستی ٹولی، ریاستی کشندہ ٹولی، سرپراز بگٹی ءِ دیم ءَ ترندیں شھماتے کہ رسانکدر ءَ بلوچ راجی زرمبشت ءَ کمیں مردمانی کار لیک ایتءُ ھمے گوش ایت کہ بلوچستان ایمن اِنت۔
جارکش ءَ گوشتگ کہ بلوچستان یک جنگ آماچیں ھندے کہ بلوچ راج ءِ سرڈگار اِنت۔ بلوچ راج وتی زمین ءِ سر ءَ ریاستی ناشرکاری، ریاستی سروکی ءَ کار کنوکیں کشندہ ٹولی، ڈیجیٹل کشندہ ٹولیءَ ھوار چونیں ھم ریاستی شوربندیانی موکل ءَ نہ دے ایں۔
میجر گھرام ءَ گوشتگ کہ آپریشن جتائیں ھنداں گوں ترندی ءَ برجاہ اِنت، سرجمیں درشان زوت رسانکدر شنگ کنگ بیت۔
