بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں پنجگور ءَ اینٹی نارکوٹکس پورس ءِ سر ءَ اُرش کُرتگ کہ چہ ایشی ءَ دو کارمند ٹپی بیتگ کہ پد ءَ یک کارمندے مُرتگ۔
آئی ءَ گوشتگ کہ 24جون ءَ روچ ءِ یک ءُ بیست ءَ پنجگور ءِ ھند چتکان ءَ جامہ مسیت ءِ دگ ءِ سر ءَ اے این ایپ ءِ سر ءَ اُرش کُرتگ، اُرش ءَ دژمن ءِ دو کارمند کانسٹیبل اپزل ءُ سپاھی شاھد ٹپی بیتگ اَنت کہ پد ءَ کانسٹیبل اپزل ٹپانی درد نہ سگ اِتگ اَنت ءُ مُرتگ۔
میجر گھرام ءَ ارش ءِ زمہ واری من اتگ ءُ گوشتگ کہ مئے اُرش داں بلوچستان ءِ آجوئی ءَ برجاہ بنت۔
