لسبیلہ: ھب چوکی ءَ لینانی بندی ءِ بگیری ءَ مردماں زھرشانی ءَ ساکران دگ بند کرتگ۔ زھرشانی ءَ ھب چوکی ءِ جتاجتائیں جاھانی مردماں بازیں کچے ءَ بھر زرتگ۔
آیاں تران کرتگ ءُ گوشتگ کہ اے گیشیں گرمی ءَ لین مدام بند کنگ بوگ ءَ اَنت ءُ مردمانی زندمان جنجالانی دیمپان اِنت۔ کسانیں زھگ ءُ کماشیں مردم نادراھیانی آماچ بوگ ءَ اَنت۔ چہ لین ءِ نیستی ءِ سوب ءَ ورگی آپ ھم نیست۔
آیاں گوں وتگڑیں سرکار ءَ لوٹ کرتگ ءُ گوشتگ کہ لین مئے بنکی ھک اِنت اے جیڑہ زوتاں چہ زوت گیش ءُ گیوار کنگ بہ بیت۔
