کیچ : دوشی تربت ءَ زورگریں پاکستانی لشکر ءَ بیڑ برتگ ءُ ورنایے آوار جتگ ءُ بیگواہ کرتگ۔
اھوالکار ءِ رد ءَ زور بیگواھیں ورنا ءِ نام سگیر ء سجاد اِنت کہ میری کلات ءِ جاہ منند اِنت۔ دوشی 12 ءَ زورگریں پاکستانی لشکر ءُ چیریں ادارھانی کارمنداں گس ءَ بیڑ برتگ ءُ گوں آئی برات کدیر سجاد ءِ ھواری ءَ آوار جتگ ءُ بیگواہ کرتگ۔ رند ءَ کدیر آجو بوتگ ءُ سگیر انگت بیگواہ اِنت۔
کھول ءَ آئی زوریں بیگواھی ءِ گپ راست کرتگ ءُ گوشتگ کہ دوئیں برات سیمسر ءَ تیل ءِ باپاری کن اَنت، کدیر آجو بوتگ ءُ سگیر ءِ باروا مارا ھچ وڑیں سرپدی دیگ ءَ نہ اَنت۔
آئی ءَ گوں دمگی واکدار ءَ دزبندی کرتگ کہ پہ سگیر سجاد ءِ آجوئی ءَ گامگیج بزور ایت۔
