بلوچ آجوئی لشکر ( بی ایل اے ) ءِ جارکش آزاد ءَ ماں رسانکدر ءَ وتی شنگ کرتگیں درشانے ءَ گوشتگ کہ مئے سرمچاراں مرچی 26 مارچ ءِ بیگاہ ءَ نوشکے کازی آباد ءَ برجاھیں پاکستانی چیریں دارہ انٹر سروسز انٹلیجنس ( آئی ایس آئی ) ءِ بنجل ءِ سر ءَ اُرش کرتگ۔
آئی گوشتگ کہ اُرش ءَ بنجل ءِ پیسر ءَ دیوال گوں راکٹاں نشانگ کرتگ اَنت، ھمے میان ءَ چیریں ادارھانی یک گاڑی یے بنجل ءَ پترگ ءَ بوتگ کہ آئی سر ءَ سرمچاراں گوں ترندی ءَ تیرگواری کرتگ۔ تیرگواری ءِ آسر ءَ گاڑی ءَ سواریں کارمنداں جانی تاوان بوتگ۔
بی ایل اے ءِ جارکش آزاد ءَ گوشتگ کہ اے اُرش ءِ زمہ واری ءَ مئے گل بی ایل اے منّ ایت۔
