بلوچستان لبریشن پرنٹ ( بی ایل ایپ ) ءِ جارکش میجر گھرام ءَ وتی درشانے ءَ گوشتگ کہ بی ایل ایپ ءِ سرمچاراں 19 مارچ 2026 ءَ مستونگ ءِ ھند شیک واسل ءَ شال تپتان دگ بستگ۔ اے کاروائی داں شپ ءَ برجاہ بوتگ ،ھمے میان ءَ درسیں شکی ئیں گاڑی داشتگ ءُ پٹ ءُ پول کرتگ اَنت۔
آئی ءَ گوشتگ کہ دگ بندی ءِ میان ءَ لیویز چوکی ھم سرمچاراں دستیگ کرتگ۔ کاروائی ءِ میان ءَ لیویز کارمند دزگیر کرتگ اَنت، چوکی مانداشتگ، دزگیر کرتگیں سرجمیں لیوز کارمند کڈن کنگ ءَ پد یل داتگ اَنت۔
جارکش ءَ گوشتگ کہ سرمچاراں 18 مارچ 2026 ءَ یک مھکمیں کاروائی یے ءِ میان ءَ بارکان ءُ رکنی میانی ھند ءَ ھوار، کوھلو ءَ شھدگ ءَ بوڑی ایشانی ءِ باز جاھاں بستگ۔ داں سے ادار ءَ برجاھیں اے دگ بندی ءِ میان ءَ بارکان پولیس ءِ ایس پی سئد آپریدی ءِ ٹولی ءِ دوگاڑی ھمے جاہ ءَ سر بوتگ سرمچاراں آیان ءَ اوشتگ ءِ اشارہ کرتگ بلے آ نہ اوشتاتگ اَنت ءُ تچگ ءِ جھد اِش کرتگ گڑا سرمچاراں تیر گواری کرتگ، اے تیرگواری تھناپہ کڈن کنگ ءَ بوتگ۔
آئی ءَ گوشتگ کہ ما پولیس کارمنداں ھال دے ئیں کہ آ دگہ وھد ءَ چہ سرمچارانی دگ بندی ءِ بگیری کنگ ءَ پھریز بکن اَنت۔ اگاں ناں گڑا وتی جان ءُ مال ءِ زمہ وار وت اَنت۔ اے کاروائی ءَ دزگیر کرتگیں یک پولیس کارمندے سرمچاراں انسانی ھمدردی ءِ بنیاد ءَ یل داتگ۔
جارکش ءَ گوشتگ کہ ھمے روچ ءَ 18 مارچ 2026 ءَ دگہ یک کاروائی یے ءَ سرمچاراں کلات ءِ ھند سنگ داس ءِ شھدگ ءَ دگ بندی کرتگ داں دیر ءَ برجاھیں اے کاروائی ءَ گاڑی پٹ ءُ پول کرتگ اَنت بلے دژمن ءِ کاروان ءُ کشندہ ٹولی نہ یتکگ، اے کاروائی ءَ ھمے ھند ءِ درستیں راہ بستگ انت ءُ دگ بندی ءِ وھد ءَ سرمچاراں گوں مھلوک ءَ آجوئی ءِ پہ سلاہ بندیں جھد ءُ ایشی مول بابت ءَ تران کرتگ۔
آئی گوشتگ کہ بی ایل ایپ ءِ سرمچارانی کاروائی پیش دار اَنت کہ درستیں شھدگ ءُ درستیں راہ مئے دست ءَ اَنت۔ داں بازیں اداراں دگ بندی ھمے پیش دار ایت کہ سرجمیں ھندانی راہ مئے دست ءَ اَنت۔ داں بازیں اداراں برجاھیں دگ بندی اے گپ ءِ تچکیں منانک اِنت دمگ ءِ آبادی ءُ رھوت کاری ءِ نزام مئے دست ءَ اِنت۔ دژمن ءِ پھازداری ءَ ابید سرمچارانی روچ ءَ مزنیں شھدگانی بند کنگ ءُ گسں پوجی ھنر ءُ ھیلھاں بازیں اداراں پٹ ءُ پول کنگ مئے آپریشن سوبمندی ءِ چیدگ اِنت کہ ایشی دیم پہ دیمی کنگ دژمن ءِ بے سوبی اِنت۔
بنشون: درشان اکس: زرمبش
