ڈاڈر ءُ شال ءَجتائیں تیرگواری ویلاں پولیس کارمندے ءَ ھوار دو مردم بیران بوتگ۔
اھوالکار ءِ سلاہ بندیں مردماں ڈاڈر ءِ ھند کمبڑی پھل ءِ نزیک تیرگواری کرتگ ءُ اے ایس آئی مھمد موسا مستوئی کشتگ۔ آئی لاش پہ ھژدری چار ءُ ٹپاس کنگ ءَ نادراھجاہ ءَ برگ بوتگ۔
ھمے وڑ ءَ شال ءِ ھند پشتون آباد ءَ پجار نہ بوتگیں سلاہ بندیں مردمانی تیرگواری ءَ مردمے بیران بوتگ۔
اھوالکار ءِ رد ءَ بیران بوتگیں مردم ءِ نام مھمد یوسیوسپ اِنت کہ سلاہ بندیں مردماں پشتون آباد ءِ رشید چاراہ ءَ نشانگ کرتگ ءُ کشتگ۔ آئی لاش پہ ھژدری چار ءُ ٹپاس کنگ ءَ نادراھجاہ ءَ برگ ءَ پد کھول ءِ دست ءَ دیگ بوتگ۔
کوش ءِ سوب انگت زانگ نہ بوتگ۔
بنشون: رسانکدر. اکس: دامگ
