گْوادر ءِ ھند جیونی، کنٹانی ءَ زی پاکستانی پوج ءَ تیل کشوکیں مزدورانی ٹکانہ مانداشتگ اَنت۔
اے درگت ءَ مزدورانی گوشگ اِنت کہ ما تیل کش اِتگ ءُ وتی گس والینتگ اَنت چہ اے زوراکی ءَ مئے بازیں کھول جنجال اِنت۔
آیانی گوشگ اِنت کہ چہ سرجمیں مکُران ءَ مردم پہ مزدوری ءَ کنٹانی ءَ کاینت کہ اود ءَ آ چہ زر ءَ آیوکیں تیل ءِ باپاری ءَ کنگ ءَ بوتگ اَنت۔ ھمے مردم زر ءِ پھنات ءَ ڈپو ءُ ٹکانھاں نندوک بوتگ اَنت کہ پاکستانی پوج ءَ آیانی جاہ مانداشتگ اَنت۔
پاکستانی پوج ءِ اے زوراکی جتائیں بھرگاں سیادی داروکیں مردماں ایر جتگ۔
