بلوچستان لبریش پرنٹ ( بی ایل ایپ ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں بیست جنوری ءَ تربت ءِ ھند ھوت آباد ءَ دگ بستگ ءُ پٹ ءُ پول کرتگ۔ اے میان ءَ سرمچاراں پہ پاکستانی پوج ءَ راشن ءُ آدگہ سامان بروکیں گاڑی گوں ڈرائیور ءَ گپتگ۔ رند ءَ ڈرائیور پہ انسانیت ءِ بنیاد ءَ یل داتگ۔
آئی ءَ گوشتگ کہ سرمچاراں نوزدہ جنوری ءَ بی ایل ایپ ءِ چیریں بھرگ ءِ ھال دیگ ءِ بنیاد ءَ ڈیرہ مراد جمالی ءِ ھند پٹ پیڈر بیدار دگ ءَ ایپ سی ءِ 144 ونگ ءِ کرنل رزوان ءِ کاروان ءِ سر ءَ ارش کرتگ۔ ارش ءِ آسر ءَ ایپ سی ءِ باز کارمند ٹپی بوتگ ءُ کاروان ءِ باز گاڑیاں تاوان بوتگ۔
جارکش ءَ گوشتگ کہ سرمچاراں نوزدہ جنوری ءَ آواران ءِ ھند بزداد ءَ زورگریں پوج ءِ پیادگیں کارمندانی ٹولی ءِ سر ءَ بمب ارش کرتگ۔ ایشی آسر ءَ یک کارمندے مرتگ ءُ یکے سکا ٹپی بوتگ۔
آئی ءَ گوشتگ کہ سرمچاراں شانزدہ جنوری ءَ ھاران ءَ ریاستی کشندہ ٹولی ءِ پرکاریں کارمند شاھد گل ملازھی ءِ ٹکانہ ءِ سر ءَ دستی بمب ارش کرتگ۔
جارکش ءَ گوشتگ کہ سرمچاراں چاردہ جنوری ءَ بلیدہ ءِ ھند الندور ءَ پاکستانی پوج ءِ چوکی ءِ سر ءَ گوں مزنیں سلاھاں ارش کرتگ۔ ارش ءِ آسر ءَ زورگریں پوج ءَ جانی ءُ مالی تاوان بوتگ۔
آئی ءَ گوشتگ کہ دوازدہ جنوری ءَ آواران ءِ ھند تیرتیج آھوری ءَ گل ءِ سنگت بدل پنام دلدار ء ھدابکش کہ آواران دراسکی ءِ جاہ منند اِنت، پہ وتی کھول ءِ گندُک ءَ موکلاں بوتگ ھمے میان ءَ زورگریں پوج ءُ کشندہ ٹولی ءِ میڑ ءَ شھید بوتگ۔
جارکش ءَ گوشتگ کہ شھید بدل پنام دلدار 2013 ءَ بی ایل ایپ ءَ ھوار بوتگ ءُ سیزدہ سال اِنت کہ گوں گل ءَ ایمانداری، تمردی ءُ جپاکشی ءَ وتی سرمچاری ءِ پرزا پیلو کنگ ءَ بوتگ۔ یک نہ ترس ءُ تجربہ کاریں سرمچارے ءِ بستار ءَ بازیں جنگاں وتی زمہ واری شریں وڑے ءَ پیلو کرتگ۔ آئی جنگی بودناکی ءُ چہ زمہ واریانی سوب ءَ گل ءَ سیکنڈ لپٹیننٹ ءِ اگدہ داتگ۔
میجر گھرام بلوچ ءَ گوشتگ کہ گل ءِ نیمگ ءَ شھید بدل پنام دلدار ءَ ستک شانی ندر کن این ءُ آئی دیمونی ءُ جھد ءَ یک شریں وڑے ءَ یاد کن ایں۔
آئی ءَ گوشتگ کہ شھید ءِ کھول چہ زورگریں پاکستان ءِ زوراکی، پہ زور چہ ھند ءَ لنڈینگ ءُ درسیں زوراکیاں ابید نزور نہ بوتگ ءُ گوں بلوچ راجی زرمبشت ءَ ھمگرنچ اِنت۔ آ مرچی ھم گوں تمردی ءَ گل ءُ زرمبشت ءِ ھمراہ اَنت۔
جارکش ءَ گوشتگ کہ گل تربت ءِ ھندی ٹیکدار مھمد رھیم زھری ءَ کڈن کنت کہ آ زورگریں پاکستانی پوج ءَ ورگی سامان دیگ ءَ زوت بند بہ کنت، اگاں نہ وتی تاوان ءِ زمہ وار وت اِنت۔
میجر گھرام ءَ درشان ءِ گڈی ءَ درسیں کاروائیانی زمہ واری منّ اتگ ءُ شھید سرمچار بدل پنام دلدار ءَ ستک شانی ندر کرتگ۔
