شال ءَ سے روچ پیش پاکستانی چیریں ادارھانی کارمنداں ڈاکٹر راشد الی آوار جتگ ءُ بیگواہ کرتگ۔
زرمبش جھگیر ءِ رد ءَ ڈاکٹر راشد الی ء برکت کیچ ءِ ھند سنگ آباد ءِ جاہ منند اِنت کہ 9 دسمبر ءِ شپ ءَ چہ شال ءَ آوار جنگ ءُ بیگواہ کنگ بوتگ۔
آئی زوریں بیگواھی ءِ گپ کھول ءَ راست کرتگ ءُ گوشتگ کہ ڈاکٹر راشد الی 9 دسمبر ءِ شپ ءَ شال ءَ ریاستی ادارھانی کارمنداں پون کرتگ ءُ لوٹائینتگ پد ءَ ھما اِنت کہ بیگواہ اِنت۔
کھول ءَ لوٹ کرتگ ءُ گوشتگ کہ ڈاکٹر راشد الی ءِ سر ءَ چونیں ھم بھتامے ھست گڑا آمیدگس ءَ پیش کنگ بہ بیت، اگاں بے میار اِنت گڑا زوت یل کنگ بہ بیت۔
آئی کھول ءَ گوں اھوالکاراں ھوار انسانی ھکانی ادارھاں لوٹ کرتگ کہ پہ ڈاکٹر راشد الی ءِ آجوئی ءَ توار چست بہ کن اَنت۔
