گوادر ءِ ھند پسنی ءَ پاکستانی پوج ءَ چہ بازار ءَ ماھگیر کاسم بلوچ ء نبی بکش آوار جتگ ءُ بیگواہ کرتگ۔
کھول ءَ آئی زوریں بیگواھی ءِ گپ راست کرتگ ءُ گوشتگ کہ کاسم پسنی وارڈ نمبر سے ءِ جاہ منند اِنت کہ ھشت روچ پیش پہ شکار ءَ دریا ءَ شتگ ءُ سے شمبے ءِ سھب ءَچہ شکار ءَواتر آھگءَ پد گوں موٹر سائیکلے ءَ پہ سامان گرگ ءَ بازار ءَ اتکگ ءُ آئی ءَ وتی سنگتے ءِ چم نادراھجاہ ءَ پیش دارگی بیتگ اَنت۔ پاکستانی پوج ءَ بازار ءَ چہ درمانجاہ ءِدیم ءَ آوار جتگ ءُ بیگواہ کرتگ۔
کھول ءِ گوشگ اِنت کہ کاسم بے میاریں مردمے آ دریا ءَ شکار کنگ ءُ وتی گس ءَ والینگ ءَ بیتگ۔ اگاں کاسم ءِ سر ءَِ چونیں بھتامے ھست گڑا آمیدگس ءَ پیش کنگ بہ بیت۔ اگاں نہ ما پہ کاسم ءِ درکانودی آوارجنی ءُ زوریں بیگواھی ءَ بے توار نہ بہ ایں ءُ پہ آئی آجوئیءَ توار چست کن ایں۔
