ھزدار: پاکستانی پوج ءَ چہ سے سال ءَ پیش زور بیگواھیں ممتاز بلوچ ءِ زامات آوار جنگ ءَ پد بیگواہ کرتگ۔
زرمبش جھگیر ءِ رد ءَ آوار جنگ بوتگیں ورنا ءِ نام اسمائیل جتک اِنت کہ ھزدار ءِ ھند زھری مِشک ءِ جھمنند اِنت ءُ پاکستانی پوج ءَ سَے روچ پیش چہ ھزار ءِ شھر ءَ آوار جتگ ءُ بیگواہ کرتگ۔
ممتاز بلوچ پاکستانی پوج ءَ 6 ستمبر 2022 ءَ سیمی رند ءَ آوار جتگ ءُ بیگواہ کرتگ کہ انگت ءَ بیگواہ اِنت۔
اسمائیل جتک ءِ زوریں بیگواھی ءِ گپ آئی کھول ءَ راست کرتگ ءُ چہ انسانی ھکانی ادارھاں پہ ممتاز بلوچ ءُ اسمائیل جتک ءِ آجوئی ءَ توار چست کنگ ءِ لوٹ کرتگ۔
