شال: اوگانستان ءُ پاکستانی پوج ءِ میان ءَ سیمسر ءَ میڑ یکبرے پد ءَ گوں ترندی ءَ برجاہ اِنت۔
بنشون ءِ رد ءَ اوگانستان ءِ اُستان کوست ءِ سیمسر ءَ مرچی بیگاہ ءَ میڑ بندات بیتگ ءُ دانکہ ننگرھار ءَ میڑ برجاہ اَنت۔
اوگانستان ءُ ایرانی رسانکدر ءِ رد ءَ پاکستانی پوج ءَ بلوچستان ءِ سیمسر ءَ برابچہ ءِ نزیک ءَ ھپت اوگانی شھری دزگیر کنگ ءَ پد ءَ تیرگواری کرتگ ءُ کشتگ اَنت۔
کشگ بیتگیں مردمانی بابت ءَ گوشگ بوگ ءَ اِنت کہ درسیں مردم اوگان مزدور بیتگ اَنت کہ پہ کار ءِ نیت ءَ پاکستان ءَ پترگ ءِ جھد ءَ بیتگ اَنت۔
