کابل: اوگانستان ءِ تالبان سرکار ءِ جارکش زبی اللہ مجاھد ءَ گوں برتانیہ ءِ ٹی وی چینل اسکائی نیوز ءَ گلگدارے ءَ گوشتگ کہ ما ھچ وڑ ءَ بگرام ائیربیس ءَ امریکہ ءَ نہ دے ایں۔ اوگان وتی سرڈگار ءَ ھچ وڑ ءَ کسے ءَ دات نہ کن اَنت۔
زبی اللہ مجاھدءَ گوشتگ کہ امریکہ ءِ گون ءَ پہ کابل ءُ واشنگٹن ءَ سپارتجاہ ءِ پچ کنگ ءِ بابتءَ گپ ءُ تران بیتگ۔ چہ روس ءَ ابید دگہ بازیں ڈیھاں تچک ءَ نہ بے جار ءَ مارا من اتگ۔
چوش کہ 2021 ءَ چہ اوگانستان ءَ ڈنی ڈیھانی پوج ءِ در آھگ ءِ میان ءَ امریکہ ءَ بیست سال ءَ پد بگرام ائیربیس اوگان سرکار ءِ دست ءَ داتگ اَت۔
انوں ٹرمپ ءَ چہ اوگانستان ءَ در آھگ ءِ میان ءَوتی یل داتگیں سلاہ ءُ بگرام ائیربیس ءِ پد ءَ گرگ ءِ جار جتگ ءُ بیھار داتگ اَت۔
