کیچ ءِ ھند بلیدہ ءَ چہ پاکستانی پوج ءِ جوڑ کرتگیں ھندی کشندہ ٹولی ءِ تیرگواری ءَ ٹپی بیتگیں ورنا ھاشم بیران بیتگ۔
بنشون ءِ رد ءَ بیران بیتگیں ھاشم بلوچ ء ابدلکادر بلیدہ ءِ میتگ الندور ءِ جاہ منند اِنت کہ چار روچ پیش کشندہ ٹولی ءِ کارمنداں نشانگ کرتگ کہ آ ٹپی بوتگ ءُ پہ الاج کنگ ءَ کراچی ءَ دیم دیگ بوتگ۔ اود ءَ آئی مرچی ٹپانی درد نہ سگ اِت ءُ بیران بیتگ۔
چوش کہ چہ بلوچستان ءِ جتائیں ھنداں ءُ دمگاں پاکستانی پوج ءُ آئی جوڑ کرتگیں کشندہ ٹولی ءِ کارمند ورنایاں زور بیگواہ کنگ ءُ نشانگ کنگ ءَ اَنت۔
