پنجگور ءِ ھند پروم ءَ پاکستانی پوج ءَ ھلیپ نامیں مردمے آوار جتگ ءُ بیگواہ کرتگ۔
زرمبش جھگیر ءِ رد ءَ بیگواھیں ھلیپ بلوچ ء ھاسل ھان پروم گیشتی بازار ءِ جاہ منند اِنت کہ سے روچ پیش پاکستانی پوج ءَ آئی گِس ءَ بیڑ برتگ ءُ گوں مردماں زوراکی کرتگ ءُ ھلیپ بلوچ ءِ موبائل ءُ پجار کارڈ ھم پل اِتگ ءُ برتگ اَنت۔
پاکستانی پوج ءَ زی پون کرتگ ءُ وتی بنجل ءَ لوٹائینتگ کہ تئی موبائل ءُ پجار کارڈ ءَ دیاں، آ پوج ءِ بنجل ءَ شتگ ءُ وتی موبائل ءُ پجار کارڈ زرتگ اَنت واتری گِس ءَ روگ ءَ بیتگ کہ پوج ءُ چیریں ادارھانی کارمنداں چہ راہ ءَ آوار جتگ ءُ بیگواہ کرتگ۔
