شال: چہ بلوچستان ءِ جتائیں ھنداں پاکستانی پوج ءِ چیریں آزار جاھاں چار بیگواھیں مردم آجو بوتگ۔
اھوالکار ءِ ردءَ واشک ءِ ھند ناگ ءَ 31 جولائی 2025 ءَ پاکستانی پوج ءِ دست ءَ بیگواہ کنگ بوتگیں ابدلکریم ء ھاجی ھاسل ھان آجو بوتگ۔ آ پَنجگُورءِ جھمنند اِنت کہ 21 ستمبر ءَ آجو بوتگ ءُ وتی گس ءَ سر بوتگ۔
ھمے وڑ ءَ 20 ستمبر 2025 ءَ پَنجگُور ءِ ھند پروم ءَ پاکستانی پوج ءِ دست ءَ بیگواہ کنگ بوتگیں کریم رشید ء ابدُلرشید آجو بوتگ۔
ھشت ستمبر ءِ شپ ءَ چہ شال ءَ پوج ءِؒ دست ءَ بیگواہ کنگ بوتگیں مولانا ھلیل اللہ شھاب آجو بوتگ۔
دومی نیمگ ءَ چہ مستونگ ءَ بی ایس او مستونگ ھنکین ءِ سروک گلام الی بلوچ ھم آجو بوتگ ءُ وتی گس ءَ سر بوتگ ۔
چوش کہ گلام الی بلوچ ءَ پاکستانی پوج ءَ 22 جون 2025 ءَ چہ شال ءَ آوار جنگ ءَ پد بیگواہ کرتگ اَت۔
