بلوچ نودربر گل (بی ایس او آزاد) ءِجارکش ءَ وتی شنگ کرتگیں درشانے ءَ گوشتگ کہ ھزدار ءِ ھند زھری ءَ پاکستانی پوج ءِ نیمگ ءَ میتگانی سر ءَ بمبگواری ءَ دو جنیناں ھوار سے بلوچ پرزند شھید بوتگ ۔ اے زورگر ءِ نیمگ ءَ ھما جنگی میارباریانی درچ انت کہ آ چہ بازیں سالاں زورگپتگیں بلوچستان ءَ برجاہ انت۔
آئی گوشتگ کہ پاکستانی پوج وتی بےسوبی ءِ چیردیگ ءَ میتگانی سر ءَ ارش کنگ ءُ وتی پرشتگیں توکلءِ پھریزگ ءِ بے سوبیں جھد ءَ کنگ ءَ اِنت اے آئی پروش ءِ پدریں منانک انت۔ بلے بلوچ راج زورگر ءِ زوراکی ءُ جنگی میارباریانی سوب ءَ چہ وتی راجی آجوئی ءِ جھد ءَ کدی ھم دزکش نہ بیت ۔
