بلوچستان لبریشن پرنٹ (بی ایل ایپ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں سَے ستمبر ءِ شپ ءَ مستونگ کڈ کوچگ ءِ ھند گرو ءَ شھدگ بستگ۔ شھدگ ءِ بندگ ءَ پد کمیں دیر ءَ پاکستانی پوج ءِ کارمند اں پیادگ ءُ بکتر گاڑیانی سر ءَ سرمچارانی انگر کنگ ءِ جھد کرتگ چہ ایشی آسر ءَ شپ ءِ ادار 12 ءَ داں 2 ءَ سرمچارانی ءُ پاکستانی پوج ءِ میان ءَ میڑ برجاہ بوتگ۔ پوج ءَ ڈرون ءِ کمک ءَ چہ برزا گولا چگل داتگ۔ اے میڑ ءَ پوج ءَ جانی تاوان بوتگ۔
آئی گوشتگ کہ سرمچاراں بیڑ برگ ءُ جنگ ءِ راھبند ءِ رد ءَ پہ سلامتی درکپگ ءَ سوبین بوتگ اَنت ءُ پاکستانی پوج ءَ اے میان ءَ جتاھیں ھنداں کواڈ کاپٹر کارمرز کرتگ ءُ آبادیانی سر ءَ گولا آس داتگ۔ چہ ایشی آسر ءَ مستونگ ءِ ھند امر ڈھور ءَ بیسک ھیلتھ یونٹ ءِ پھاز دار سک ءَ ٹپی بوتگ۔
میجر گھرام ءَ مستونگ کڈ کوچگ ءَ شھدگ ءِ بندگ ءُ گوں پاکستانی پوج ءَ میڑ ءَ پوج ءِ جانی تاوان دیگ ءِ زمہ واری من اِتگ۔
