کراچی: زوربیگواھیں زاھد بلوچ ءِ کھول ءَ کراچی پریس کلب ءِ دیم ءَ برجاھیں زھرشانی نندانک ءَ پریس کانپرنس کرتگ ءُ گوشتگ کہ زاھد بلوچ ءِ بیگواھی ءَ یک ماھے سرجم بوتگ بلے انگت آئی ھال نیست کہ آ چون ءُ کج ءَ اِنت۔
آئی گوشتگ کہ اگاں زاھد ءِ سر ءَ چونیں بھتامے ھست کہ آئی ءَ آمیدگس ءَ پیش بہ کن اَنت۔ بلے اے وڑ بیگواہ کنگ یک کھولے ءَ اوپار کنگ نہ بیت۔
آئی ءَ گوشتگ کہ کراچی پریس کلب ءِ دیم ءَ برجاھیں زھرشانی گدان ءَ چاردہ روچ سرجم بوتگ ءُ اے زھرشانی نندانک داں ھما وھد ءَ برجاہ بیت دانکہ زاھد آجو کنگ نہ بوتگ۔
زاھد ءِ پت ءَ گوں انسانی ھکانی گل، سول سوسائٹی، اھوالکار ءُ انساپ دوستیں مردماں لوٹ کرتگ کہ آ زاھد ءِآجوئی ءَ توار چست بہ کن اَنت۔
