تربت: کیچ سول سوسائٹی ءِ سروک ءُ درکانودی بندیگیں گلزار دوست ءِ گوشتانکی تامربندے ءِ شنگ کنگ ءَ ھشت سالی زھگے ایپ آئی آرکنگ بیتگ۔
اھوالکار ءِ رد ءَ زھگ ءِ نام سھیب بلوچ ء ھالد اِنت کہ آ تربت ءِ ھند آپسر ءِ جاہ منند اِنت۔ آئیءَ گلزار دوست ءِگوشتانکی تامربندے وتی ٹک ٹاک آئیدی ءَ شنگ کرتگ۔کسان سالیں سھیب بلوچ مرچی پہ پیشی ءَ اے ٹی سی آمیدگس ءَ پیش کنگ بیتگ۔
چوش کہ رسانکدر ءَ شنگ بیتگیں اکسانی تہ ءَ گندگ بیتگ کہ زھگ وتی مانزمانی ءِ کاگد ءِ سر ءَ دز رند دیگ ءَ اِنت۔
کیچ سول سوسائٹی ءِ سروک گلزار دوست 7 جولائی 2025 ءَ سی ٹی ڈی ءَ چہ گس ءَ آوار جنگ ءُ پد ءَ پولیس ءِ دست ءِ دیگ ءُ زندانی کنگ بیتگ۔
