چہ کراچی ءَ پاکستانی چیریں ادارھانی دست ءَ بیگواہ کنگ بیتگیں ورنا زاھد بلوچ ءِ پت ابدلجمید گوں کھول ءِ آدگہ مردماں چہ کراچی پریس کلب ءَ تران کرتگءُ گوشتگ کہ 17جولائی 2025 ءَ لیاری ءَ زاھد گوں وتی رکشہ ءَ پہ سواری ءَ ودار کنگ ءَ بوتگ کہ چیریں ادارھانی کارمنداں آوار جتگ ءُ برتگ ھمااِنت بیگواہ اِنت۔
آئی گوشگ اِنت کہ منی زھگ گوں ھچ وڑیں درکانودی کاراں گوں نہ بیتگ۔آ یک ایمن ءُ کانود دوستیں مردمے بیتگ۔ آئی انوں چہ کراچی یونیورسٹی ءَ گریجویشن سرجم کرتگ۔ آ یک جپاکشیں نودربرے بیتگ بلے چہ مالی جنجالانی سوب ءَ آئی گوں رکشہ ءَ مردم کش اِتگءُ وتی گس والینتگ۔
ابدلمجید ءِ گوشگ اِنت کہ ما پہ ایپ آئی آر ءَ تانہ ءَ شتگ ایں گڑا پولیس ءَ ایپ آئی آر نبشتہ نہ کرتگ، چہ ایشیءَ کھول گیشتر تکانسر بیتگ۔
آئیءَ گوں سرکار ءَ لوٹ کرتگ ءُ گوشتگ کہ زاھد بلوچ زوت آجو کنگ بہ بیت، یا آئی بابت ءَ ماراسرپدی دیگ بہ بیت۔ پہ اے ویل ءِبابت ءَ شریں وڑےءَ پٹءُ پول کنگ بیت۔
