کیچ: چہ تربت ءَ پاکستانی پوجءَ سدام بلوچ نامیں آوار جتگ ءُ بیگواہ کرتگ۔
زرمبش جھگیر ءِ رد ءَ زور بیگواھیں سدام بلوچ ء مھراب بلوچ سری شاپک جاہ منند اِنت کہ زی گوں دگہ سنگتے ءَ تربت شھر ءَ روگ ءَ بیتگ کہ پاکستانی پوج ءَ تربت ءِ نزیک ءَ آوار جتگ ءُ برتگ اَنت۔ آئی سنگت دوشی یل کنگ بیتگ بلے سدام بلوچ انگت بیگواہ اِنت۔
زور بیگواھیں سدام بلوچ ءِ بابتءَ گوشگ بیت کہ آ گیراجے ءَ کار ءَ اِنت زی سھب ءَ آ دیم پہ گیراج ءَ کار ءَ روگ ءَ بیتگ اَنت کہ پوج ءَ آوار جتگ ءُ بیگواہ کرتگ اَنت۔
