واشک ءِ ھند رکشان ءَ پجار نہ بوتگیں سلاہ بندیں مردماں پاکستانی پوج ءِ گاڑی گوں چیر کرتگیں شورھاں نشانگ کرتگ ءُ تباہ کرتگ۔
زرمبش جھگیر ءِ رد ءَ اے بمب اُرش مرچی سھب ءَ ھپت ءُ نیم ءَ پاکستانی پوج ءِ گاڑی ءِ سر ءَ ھما وھد ءَ بوتگ کہ آ چہ مزنیں بنجل ءَ درکپتگ ءُ روگ ءَ بوتگ۔ پجار نہ بوتگیں مردماں چَڈ، بوڈ ھوٹل ءَ گوں چیر کرتگیں شورھاں نشانگ کرتگ۔
ھندی بنشون ءِ رد ءَ تراک ءِ آسر ءَ گاڑی سرجم ءَ تباہ بوتگ ءُ گاڑی ءَ سواریں کارمند مرتگ ءُ ٹپی بیتگ اَنت۔
اُرش ءِ زمہ واری انگت ءَ ھچ گل ءَ نہ زرتگ۔
