بلوچ لبریشن آرمی ( بی ایل اے ) ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که بی ایل اے ءِ سرمچاراں ھوشاپ ، زامران ءُ کلات ءَ سے جتائیں کاروائیاں پاکستانی پوج ، آئی راشن بروکیں گاڑی ءُ لٹ ءُ پلی شرکتے نشانگ کرتگ ، سرمچاراں لیویز تانه دستیگ کرتگ ءُ داں باز اداراں سی پیک دگ بند کرتگ.
آئی ءَ گوشتگ که دوشی بی ایل اے ءِ سرمچاراں کیچ ءِ ھند هوشاپ ، گونڈ سرین ءَ لیویز تانه دستیگ کرتگ ءُ تانه ءَ ساڑی ئیں کارمند دزگیر کرتگ اَنت ، سرمچارانی دگه یک ٹولی یے ءَ سی پیک دگ بند کرتگ ءُ اود ءَ په پٹ ءُ پول برجاہ داشتگ۔
جارکش ءَ گوشتگ که ھمے میان ءَ زورگریں پوج ءَ کواڈ کاپٹر کارمرز کرتگ که سرمچاراں جتگ ءُ تباه کرتگ ، زورگریں پوج ءَ گوں گاڑیاں دیم ءَ آھگ ءِ جھد کرتگ که سرمچاراں پیسر ءَ سنگر گپتگ ءُ آ نشانگ کرتگ اَنت ، زورگریں پوج ءِ یک گاڑی یے اُرش ءِ زد ءَ اتکگ که ایشی آسر ءَ چار کارمند مرتگ ءُ باز ٹپی بیتگ.
آئی ءَ گوشتگ که بی ایل اے ءِ سرمچاراں کلات ءِ ھند منگچر ، زرد ابدالله ءَ دمگی دگ جوڑ کرتگیں لٹ ءُ پلی شرکتے ءِ ٹوھیں مشین مانداشتگ ءُ تباه کرتگ اَنت.
جارکش ءَ گوشتگ که زامران ءِ ھند گیشتگان ءِ نزیک ءَ بی ایل اے ءِ سرمچاراں گوستگیں روچ ءَ په زورگریں پاکستانی پوج ءَ راشن بروکیں ٹرک گاڑی یے گوں چیر کرتگیں شورھاں نشانگ کرتگ ءُ تباه کرتگ.
جیھند بلوچ ءَ درشان ءِ گڈی ءَ اے درسیں اُرشانی زمه واری من اتگ.
