بلوچ نیشنل موومنٹ ( بی این ایم ) ءِ انسانی ھکانی ادارہ پانک ءَ وتی شنگ کرتگیں درشانے ءَ گوشتگ کہ سرجمیں بلوچستان ءَ زوریں بیگواھی گیش کنگ بیتگ۔ یک ءُ دو جولائی 2025 ءِ میان ءَ چہ بلوچستان ءِ جتائیں دمگاں پاکستانی پوج ءَ کم چہ کم شش بلوچ ورنا زور بیگواہ کرتگ۔
آئی ءَ گوشتگ کہ یک جولائی ءِ شپ ءَ تلال بلوچ ء امید الی پسنی وارڈ نمبر 2 ءِ جاہ منند آوار جنگ بیتگ۔ دومی روچ ءَ گلام رسول سوپی ءِ زھگ سپیان چہ تربت سنگانی سر ءَ آوار جنگ بیتگ۔
آئی ءَ گوشتگ کہ یک جولائی ءَ دگہ جتائیں ویلے ءَ چہ کیچ ءِ ھند مند ءَ ھدا بکش چات ءَ دگہ چار ورنا بیگواہ کنگ بیتگ کہ آیانی نام جاسم ء یاکوب بلوچ، ملک ء پیز مھمد، پیسل ء بجار بلوچ ءُ رازک ءِ بجار بلوچ اِنت۔
پانک ءَ اے زوریں بیگواھی گوں ترندیں دانکاں ایر جتگ ءُ گوشتگ کہ میان استمانی انسانی ھکانی تچک ءَ بگیری اِنت ۔ اے آوارجنی بلوچ ورنایانی نشانگ کنگ ءُ ترس ءَ گیش کنگ ءَ اِنت۔
