چہ پنجگور ءِ ھند پٹبال چاراہ ءَ پاکستانی پوج ءِ جوڑ کرتگیں کشندہ ٹولی ءِ کارمنداں زیشان زھیر آوار جتگ۔
بنشون ءِ رد ءَ زیشان زھیر زوربیگواھیں زھیر بلوچ ءِ زھگ اِنت کہ 29 جون ءِ بیگاہ ءَ کشندہ ٹولی ءَ چہ پٹبال چاراہ ءَ آوار جتگ ءُ بیگواہ کرتگ۔
زیشان زھیر ءِ گھار ادیبہ زھیر وتی برات ءِ زوربیگواھی ءِ بگیری ءَ زھرشانی ءَ سی پیک دگ بند کرتگ ءُ نشتگ۔ زھرشانی ءَ بازیں کچے ءَ مردماں بھر زرتگ۔
آیاں لوٹ کرتگ ءُ گوشتگ دانکہ زیشان آجو کنگ نہ بوتگ سی پیک دگ ءَ مئے زھرشانی برجاہ بیت۔
ادبیہ زھیر ءَ گوشتگ کہ اگاں داں بیست ءُ چار ادار ءَ منی برات آجو نہ بوت ما ترندیں گامگیج زور ایں۔
