بلوچ لبریشن آرمی ( بی ایل اے ) ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اےءِ سرمچاراں کلاتءُ مستونگ ءَ دو جتائیں کاروائیاں زورگریں پاکستانی پوج ءِ مزنیں بنجل ءُ مادن بروکیں گاڑی نشانگ کرتگ اَنت۔
آئیءَ گوشتگ کہ بی ایل اے ءِ سرمچاراں دوشی کلات ءَ زورگریں پاکستانی پوج ءِ مزنیں بنجل ءِ سر ءَ ھما وھد ءَ ارش کرتگ کہ پوج ءِ کاروان بنجل ءَ سر بیتگ۔ سرمچاراں بنجل ءِ سر ءَ گرنیڈ لا نچر ءِ باز گولا آس داتگ، ایشی آسر ءَ زورگریں پوج ءَ مالی ءُ جانی تاوان بیتگ۔
آئی ءَ گوشتگ کہ بی ایل اے ءِ سرمچاراں دوشی مستونگ ءِ سے جاہ ءَ بلوچ مڈیانی لٹءُ پل کنوکیں نھ گاڑی نشانگ کرتگ ءُ تاوان داتگ۔ سرمچاراں ژلی ءَ یک گاڑی یے، کوہ نور ھوٹل ءِ نزیک ءَ دو گاڑی ءُ نواب ھوٹل ءَ شش گاڑی نشانگ کرتگ۔
جارکش ءَ گوشتگ کہ سرمچاراں ڈرائیور کڈن کنگ ءَ پد یل داتگ اَنت۔ بلوچ ءِ مڈیانی لٹءُ پل ءَ ھواریں ڈرائیور ءُ واھنداں کڈن کن ایں کہ آ وتی اے کار ءَ یل بہ کن اَنت اگاں نہ وتی جان ءُ مال ءِ تاوان ءِ زمہ وار وت اَنت۔
جیھند بلوچ ءَ وتی درشان ءِ گڈی ءَ اے ارشانی زمہ واری من اتگ۔
