بلوچ نیشنل موومنٹ ( بی این ایم ) ءِ بنجاھی سرکماش ڈاکٹر نسیم بلوچ ءَ وتی شنگ کرتگیں درشانے ءَ گوشتگ کہ بلوچ کارکن ماہ رنگ بلوچ، بیبرگ بلوچ، سبگت اللہ شاہ جی، بیبو بلوچءُآئی پت گپار بلوچ، گلزادی بلوچ ءِ زوریں بندیگی ءَ سے ماہ گوستگ ءُ داں انوں آدرکانودی بندیگ اَنت۔
آئی ءَ گوشتگ کہ انچو وھدءِ گوزگ ءَ پد ھم آیان ءَ کانودی ھک دیگ نہ بیتگ۔ آیانی کھول چہ گندوک ءَ دارگ بوگ ءَ اَنت ءُ آیانی بنیادی انسانی ھک پلگ بیتگ اَنت۔ آمیدگس ءَ درسیں کانودی لوٹ رد کرتگ اَنت کہ اے آمیدگس ءِ بلوچ ءِ توار ءِ دارگ ءَ پندلانی گون ءَ ھمگرنچی ءَ پاشک کنت۔
ڈاکٹر نسیم بلوچ ءَ گوشتگ کہ لس بلوچانی جیڑہ ءِ سر ءَ انتزامیہ، کانود سازیں ادارہ ءُ آمیدگس ءَ ھچ پرک نیست۔ اے درسیں ادارہ ھواری ءَ بگیریانی دارگ، پجار ءِ ھلاسی ءُبلوچ بوگ ءَمیارے لیکگ ءَ شریدار اَنت۔
آئی ءَ گوشتگ کہ پاکستان ءِ تہ ءَ بلوچ بوگ یک میارباری یے لیکگ بیت۔ ایمنیں سیاسی کارکن ءُانسانی ھکانی جھد نہ تھنا میان نیارگ بیت بلکیں اے سرجم ءَ نہ منگ، سزا دیگ ءُ ھلاس کنگ بیت۔
ڈاکٹر نسیم بلوچ ءَ گوشتگ کہ ھما مردم پہ وتی آزیزاں توار چست کن اَنتءُ زوریں بیگواھیانی بگیری ءَ زھرشانی کن اَنت یا انساپ ءِ لوٹ ءَ کن اَنت گڑا آ ھم آوار جنگ، آزار دیگ ءُ زندان ءَ بند کنگ بنت۔
آئی ءَ گوشتگ کہ میان استمانی تک بلوچستان ءَ پاکستان ءِ نیمگ ءَ بیوکیں اے میارباریانی بگیری ءَ زوت گامگیج بزور ایت۔
