کیچ: زورگریں پاکستانی لشکر ءِ جھلی ءُ برزی لشکر کشی برجاہ اِنت۔
اھوالکار ءِ رد ءَ مرچی سھب ءَ سامی ءَ پاکستانی لشکر ءِ بنجل ءَ ھشت ءُ دہ گاڑیانی کاروانے در کپتگ ءُ سامی کلگ ءُ زرباری کوھانی نیمگ ءَ روگ ءَ گندگ بوتگ اَنت۔ مرچی سھب ءَ پاکستانی لشکر ءِ جنگی بالگردے ھم آتکگ ءُ سامی ءِ بنجل ءَ نشتگ۔
بنشون ءِ رد ءَ مرچی سھب ءَ زورگریں پاکستانی لشکر ءِ جنگی بالگرد مند ءِ نیمگ ءَ روگ ءَ گندگ بوتگ اَنت لشکر کشی ءِ گمان اِنت۔
یات بہ بہ اِت کہ زی بیگاہ ءَ چہ ھیرونک ءَ پاکستانی لشکر ءِ کاروانے درکپتگ ءُ کوھانی نیمگ ءَ روگ ءَ گندگ بوتگ۔ اے بارو ءَ مئے گیشیں جست ءُ پرس برجاہ اَنت۔
